Esdras 1:1 - Wuj Pa K'ubultzij

¹ Che i nab'e junab' rajawinik ma Ciro chi ajawinel ke aj Persia, are uri k-antaj na pacha utzij i Ajwal chi ub'im ma Jeremías chi profeta, i Ajwal xu'an che ma Ciro chi kupaxsaj uwach i utaqanik chke konojel uwinaq, pa tzij xaq chwach taq wuj, are utaqanik iri:

Esdras 1:1 Iomraidhean Croise

Esdras 1:5

I aj-atzil ke i alk'uwal aj Judá, aj Benjamín, ajsujul sipon xaq i aj Leví chi kikowim kik'ux che i Dios, xkiyijb'a kib' che i enam pa Jerusalén chuyakik chik i rachoch i Ajwal.

Esdras 4:3

Xwiri ma Zorobabel, ma Jesúa xaq i aj-atzil ke alk'uwal aj Israel, xkib'ij chke: —Kmajaw taj chi kojito chuyakik i rachoch i Ajwal Dios. Yoj rajwaxik qatukel kojyakaw ni rachoch i Ajwal, chi ki-Dios aj Israel, man keje ile xub'ij ma Ciro chqe, chi ajawinel re i tinimit Persia.

Esdras 6:14

Keje uri ile chi aj-atzil ke aj Judío xkijeq chik i chak chrij pacha xkib'ij i profeta, chi ma Hageo xaq ma Zacarías, chi uk'ojol ma Iddo. I rachoch i Dios xutzinik chrij pacha utaqom ub'ixkil i Dios ke aj Israel, xaq chrij pacha utaqom ub'ixkil ma Ciro, ma Darío xaq ma Artajerjes chi je ajawinelab' re i tinimit Persia.

Esdras 6:22

Lik ru' jun nim laj kikotemal xkich'ij wuqub' ij chu'anik i nima'ij re i wa re trigo chi nti kunb'al ru', man i Ajwal xuya jun nim laj kikotemal chke xaq xu'an che i ajawinel re i tinimit Persia chi xeuto chu'anik i rachoch i Dios, chi ki-Dios aj Israel.

Esdras 6:3

Che i nab'e junab' rajawinik, ma Ciro xutaq ub'ixkil iri: “Chrij i chak re i rachoch i Dios chila Jerusalén. Choksax ni ukub'ib'al xaq chyak chik i rachoch i Dios man keje ile ksujux ni porom sipon chila. Kya' ni waqlajuj xik'ab' che raqan xaq waqlajuj xik'ab' che uwach

Esdras 7:27

Are uri ma Esdras xlapan ru' i Dios: “Lik nim u'ij i lo'laj Ajwal chi ki-Dios i qatit qamam, man xu'an che i ajawinel chi kya' ni u'ij i rachoch i Ajwal chila Jerusalén

Salmos 106:46

Xaq i Dios xu'an chke konojel ni'pa i je ajch'oj chkij chi kkil tob'al kiwach.

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

ISAÍAS 45:1

I Ajwal xujach ma Ciro pa ajawinel, xuchap che u'ab' man ktiki chkipek'ik i nimaq taq tinimit; xaq kumutma ni ki'a' i ajawinelab' chke. I Ajwal ku'ano chi kjaqi ni uchija chwach i ma Ciro re i jalajuj nimaq taq tinimit; chi mijun ktiki chutz'apixik uchija chwach. Xaq wo'or kub'ij che:

JEREMÍAS 1:1

Utzij xaq u'anoj ma Jeremías, chi uk'ojol ma Hilcías. I ma Jeremías kikwenta i alk'uwal chi je ajsujul sipon chi je jeqel pa tinimit Anatot, pa kulew utzob'ajil ma Benjamín.

JEREMÍAS 29:10

I Ajwal kub'ij: I tinimit Babilonia are kutz'aqatsaj lajuj oxwinaq (70) junab', kink'un ni iwu' xaq kin-an ni i utz laj sujunik chi in-anom chiwe, chi kin-an chiwe chi kixtzalij chal che i k'ijib'ali.

Ezequiel 38:5

Kekachi'ilaj nu b'i i winaq re Persia, Etiopía xaq i Libia, konojel ike le kuk'am tob'al kib' xaq kikojom tob'al kijolom,

Daniel 1:21

I a Daniel xkanaj chila k'a che i nab'e junab' re i rajawinik i ajawinel ma Ciro.

Daniel 2:1

Che i ukab' junab' re rajawinik, i ma Nabucodonosor, xrachik'aj k'iyal taq achik', rumal ile lik xok il xaq xk'achirik i lik kwar ti chik.

Daniel 6:25

Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,

Daniel 9:2

Che i nab'e junab' re rajawinik, yin ma Daniel kintijin te'eq chrajlaxik uwach i wuj re i profeta ma Jeremías, chrij i lajuj oxwinaq (70) junab' chi kik'aw na re k-antaj na chi kutij ni uyej i tinimit Jerusalén, chrij pacha ub'im i Ajwal che i profeta.

Juan 1:23

Are uri ma Wan xula' uwach chke: —Yin in are i jun ch'awb'al chi ksik'in chub'ixkil i tziji pa tz'inilik jyub' chaqij: ¡Chiyijb'a i b'e chwach i Ajwal! Pacha xub'ij mam Isaías ujer chi profeta.