Daniel 8:7 - Wuj Pa K'ubultzij

⁷ I xu'aj chekeb' rok'a' che, i ma chij lik nti ucho'ab' re kkichap kib' che i ch'oj ru'. Te'uri i me' xuk'aq i chij pulew, lik xuya'ya chaqan chi lik mijun ktiki chuto'ik.

Daniel 8:7 Iomraidhean Croise

Daniel 11:11

Are i ch'oj chi xeu'ana i jutzob'aj ajch'oj re i atol tzij pa moxab' lik kupetsaj ni roywal i ajawinel re i k'ijib'al wiqab', ire le kel na li pa ch'oj chkij i nim laj tzob'ajil chi ajch'oj chrij, lik keuch'ak ni konojel.

Daniel 7:12

Xaq keje i jub'an chik nimaq taq itzel chikop xelsax i kicho'ab', xwiri xkiya chke chi kek'asi na k'a kuriq ni ki'ij.

Daniel 7:7

I ukaj nim laj itzel chikop chi xwil pinwach lik nti usuk', xaq lik xib'in ib', i ucho'ab' lik nti kmajawik. O nimaq taq uware re ch'ich'; xab'iroxik is kutijo xaq is ku'an ch'aqa taq che, ni'pa i kuk'is taj, kuya'ya uwi. Are jun nim laj itzel chikop chi lik junwi chkiwach konojel i jub'an chi yin wilom pa wachik', xaq o lajuj rok'a' che ujolom.

Daniel 8:10

Lik nim xk'iyik chi xupon k'a chikaj ku' uk'iyal taq ch'umil, o ch'umil xeutzaqsaj loq xaq xuya'ya kiwi,

Daniel 8:6

i are xupon chunaqaj i chij ma chi o keb' rok'a' chi yin wilom te'eq chuchi' i raqana, xuto' ru' ronojel ucho'ab'.

Daniel 8:8

I me' lik arewi ij ij kpe mas ucho'ab', xwiri are lik o te'eq mas ucho'ab', i nim laj rok'a' xpatz'tajik, i puk'exel ile xe'el chali kajib' rok'a' chi kuk'ut b'i pa kajib' usuk' i jyub' ta'aj.

LEVÍTICO 26:37

Kixa' ni iwib' chiwach pacha taq kix-anmaj chwach jun nim laj ch'oj tupu nti jun kix-oqtawik; mijun chiwe yix kutak'b'a rib' chkiwach je ajch'oj chiwij.

JOSUÉ 8:20

I winaq re i tinimit Hai are xetzun chkij, xkil i sib' chi kb'uquq pa tinimit kel b'i chikaj; are uri xkilo chi kkiriq ti chik ipa ke'anmaj wi, man i je aj Israel chi je anmajnaq te'eq chkiwach i aj Hai, xkisutij li kib', xe'ok chu'anik ch'oj chkij i aj Hai le.