Daniel 8:3 - Wuj Pa K'ubultzij

³ Xintzun b'i k'a naj, are uri xwil jun chij ma chi o chuchi' i raqana. O keb' rok'a' naj kaqan, xwiri jun chke i keb' le mas pen elnaq loq, xaq mas naj rij chwach i jun chik.

Daniel 8:3 Iomraidhean Croise

PRIMER LIBRO DE CR%D3NICAS 21:16

I ma David are xtaqen an chikaj, are uri xrilo chi i ángel re i Ajwal o chuxol i kaj xaq ulew, rok'am jun ch'ich' chi o uware k'ulala pu'ab' chi ktijin chuk'utik b'i i tinimit Jerusalén. Are uri ma David xaq i aj-atzil re i tinimit kikojom ki'u' as, xexuki'ik xaq xkiqajsaj kipalaj k'a chwach ulew.

Esdras 1:2

“Ma Ciro, chi ajawinel ke aj Persia, kusaqij iri: I Ajwal, chi Dios aj chikaj, xuya ronojel i ajawinik pin-ab' puwi ronojel uwach i jyub' ta'aj, xaq xuya chinqul uyakik jun rachoch chila Jerusalén, chi o pa Judá.

Esdras 4:5

Xwi ta la ile, xaq xkiya mer chke i jujun ajpatanib' re i tinimit, are uri ike le xe'ok chu'atixik wach kich'ob'om te'eq u'anik junam, keje ile xki'an che ronojel i junab' re rajawinik ma Ciro pa tinimit Persia, k'a che rajawinik ma Darío.

Ester 1:3

Che urox junab' rajawinik ma Asuero, chi ajawinel, xu'an jun nima'ij chke konojel ajpatanib', chke i ketow aj-atol tzij, chke aj-atzil chke achiyab' chi je yij che i ch'oj aj Persia, aj Media, chke aj-ok'al utzam jalajuj taq tinimit xaq aj-atzil chupam i tinimit,

ISAÍAS 13:17

Chiwila pe wach kiminik kin-an chke aj Media pa ch'oj chkij ike le, chi nti kub'ij kik'ux che i saq-o'oj xaq mitene che i an-o'oj.

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

JEREMÍAS 51:11

I Ajwal kraj kusach uwach i tinimit Babilonia, xaq xuk'unsaj saq chkiwach i aj ajawinelab' re Media anb'al re jun ch'ob'onik chke konojel. Lik are u'anik uk'exel i le xu'an i Ajwal chke rumal xki'an che i rachoch. ¡Chiyijb'a i ch'ab'! ¡Cheikojo i tob'al ib'!

Daniel 10:5

Xaqte'et xwilo xaq xinkoj retalil chi o jun winaq ukojom u'u' re lino xaq jun ximb'al upam lik re saqil an-o'oj.

Daniel 2:39

Chrij i awajawinik yet, o ni tan chik jun ajawinik chi nti qas u'ij chwach i awe yet, te'uri kk'un jun chi are urox ajawinik re anch'ich' chi o ni ucho'ab' puwi ronojel i ulew.

Daniel 5:31

I ma Darío re i tinimit Media xuya rib' puwi i ajawinik. Ma Darío o keb' oxwinaq (62) junab' che.

Daniel 6:28

I ma Daniel xumayij ti u'anik upatan chi aj-ok'al utzam i tinimit che rajawinik ma Darío, xaq che rajawinik i ma Ciro, chi ajawinel re Persia.

Daniel 7:5

I ukab' keje ktzunik pacha jun yum, i juperaj che uch'akul mas yaktajnaq chwach i jun chik juperaj, chi o oxib' b'aq re k'alk'ax puchi' xol uware; xaq xinta chi kkib'ij che: ¡Jat, chatija b'i ni'pa taq i ti' chi kach'ij utijawik!

Daniel 8:2

Are kintijin chrilik pinwach, kinna taq yin chi in o pa tinimit Susa, re i ulew Elam, chuchi' i raqana Ulai.

Daniel 8:20

I chij ma chi o keb' rok'a' kuk'utb'ej ke i ajawinelab' re Media xaq i re Persia.

ZACARÍAS 1:18

Xwil tan chik jun ilanik pa wachij, chi xwil kiwinaqirik kajib' ok'a'.

ZACARÍAS 2:1

Xwil chik jun ilanik pinwach. Xwinaqir jun achi chinwach chi rok'am jun pajb'al re k'am pu'ab'.

ZACARÍAS 5:1

Xwil tan chik jun ilanik pa wachij. Xwil jun b'orom tz'um chi o tz'ib' chwach, chi ksayay pa tew.

ZACARÍAS 5:5

Te'uri xel chali i ángel chi klapan te wu', i xub'ij chwe: “¡Lik chakojo retalil wach kwinaqir wo'or!”

ZACARÍAS 5:9

Xwil tan chik, kiwinaqirik keb' ixoqib'. O kixik', i tew keuyak chikaj. I kixik' keje pacha kixik' i chak'jowox, kik'amom b'i pajb'al pa taq tew.

ZACARÍAS 6:1

Xwil tan chik jun ilanik pa wachij. Xwil kiwinaqirik kajib' kareta re ch'oj chkixol keb' nimaq taq jyub' re anch'ich'.

NÚMEROS 24:2

Are xril ma Balaam chi i tinimit Israel kok'am kib' pa taq tzob'ajil, i Utewal i Dios xpe puwi ire.

JOSUÉ 5:13

Xuk'ulmaj che jun ij are naqaj o wi ma Josué che i tinimit Jericó, xaqte'et xrilo chi tak'al pan jun achi chwach rok'am jun ch'ich' pu'ab', are uri ma Josué xtejeb' pan ru', xutz'onoj che: —¿At qachi'il nawi o xa at kachi'il i je ajch'oj chqij? —Xcha.

Apocalipsis 13:11

Te'uri xwil chik jun nim laj itzel chikop, xel li pulew. O keb' rok'a' pacha ktzun rok'a' jun ral chij; xwiri i uch'awb'al pacha uch'awb'al jun nim laj itzel kumatz.

Apocalipsis 5:6

Are uri xintaqej, xaq xwil pacha jun Ral Chij alaj che chi kamsam na, xwiri k'aslik tak'al chila. Chila tak'al wi ru' i kub'ib'al chi o u'ij, chkiwach i kajib' b'iroxik chi o kixik' pacha winaq ketzunik, xaq chkiwach i nimaq taq winaq. I Ral Chij le, o wuqub' rok'a', xaq wuqub' ub'a'wach, ile are i wuqub' Lo'laj Utewal i Dios utaqom li chwach ronojel i jyub' ta'aj.