Daniel 8:21 - Wuj Pa K'ubultzij

²¹ I me' are i ajawinel re i tinimit Grecia, i nim laj rok'a' chi o chuxol ub'a'wach are i nab'e i ajawinel.

Daniel 8:21 Iomraidhean Croise

Daniel 10:20

Are uri xub'ij chwe: ¿Aweta'am b'uchak chi xink'un chawilik? Man wo'or o uchak kinch'ojin chik chwach i ángel chajinel re i Persia. Are kinmayij ch'oj ru' ire, kk'un ni i ángel chi ajchajinel re Grecia.

Daniel 11:2

I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.

Daniel 11:3

Xwiri k-on panoq krajawin ni jun ajawinel chi lik ajch'oj, chi lik knimar nu b'i ucho'ab' pkiwi k'iyal taq tinimit, i ku'an na pacha kraj ire.

Daniel 2:39

Chrij i awajawinik yet, o ni tan chik jun ajawinik chi nti qas u'ij chwach i awe yet, te'uri kk'un jun chi are urox ajawinik re anch'ich' chi o ni ucho'ab' puwi ronojel i ulew.

Daniel 7:6

I urox keje ktzunik pacha jun b'alam, xwiri o kajib' uxik' chel rij; xaq xwilo chi o kajib' ujolom chi xaq xya' i cho'ab' pu'ab'.

Daniel 8:20

I chij ma chi o keb' rok'a' kuk'utb'ej ke i ajawinelab' re Media xaq i re Persia.

Daniel 8:22

I kajib' ok'a' chi xe'el loq are xpatz'taj i nab'e ok'a', kraj ub'ixkil chi che i nim laj tinimiti ke'el ni kajib' chik ajawinik, xwiri keje ti kicho'ab' pacha i nab'e.

ZACARÍAS 9:13

Inyijb'am chik i k'aqb'al inch'ab' re ch'oj, chi are i tinimit Judá, xaq inkojom jun ch'ab' che, chi are i tinimit Efraín. Chawe yet, Sion, kin-an ni jun ch'ich' chi k'ulala o uware, xaq keinyak ni awak'al chrij i rak'al i tinimit Grecia.”