Daniel 7:6 - Wuj Pa K'ubultzij

⁶ I urox keje ktzunik pacha jun b'alam, xwiri o kajib' uxik' chel rij; xaq xwilo chi o kajib' ujolom chi xaq xya' i cho'ab' pu'ab'.

Daniel 7:6 Iomraidhean Croise

Ezequiel 17:3

Chab'ij chke: Iri are kub'ij i Ajwal: Jun nim laj kotxik xupon che i jyub' Líbano; i uxik' lik nimaq chi lik naj kel wi chikaj, chi lik k'i rismal olik xaq lik k'iyal taq utzunb'al. Xuk'am jun runum che' chi chakalte' ub'i,

Daniel 10:20

Are uri xub'ij chwe: ¿Aweta'am b'uchak chi xink'un chawilik? Man wo'or o uchak kinch'ojin chik chwach i ángel chajinel re i Persia. Are kinmayij ch'oj ru' ire, kk'un ni i ángel chi ajchajinel re Grecia.

Daniel 2:39

Chrij i awajawinik yet, o ni tan chik jun ajawinik chi nti qas u'ij chwach i awe yet, te'uri kk'un jun chi are urox ajawinik re anch'ich' chi o ni ucho'ab' puwi ronojel i ulew.

Daniel 7:4

I nab'e keje ktzunik pacha jun koj, xwiri o uxik' keje pacha re kotxik. Tz'aqat yin kintijin chutaqexik, xkimich' uxik', xkiyak pulew i xki'ayb'a puwi i raqan re chrij, xkitak'b'a anoq pacha taq jun winaq, te'uri xya' jun ranima re winaq.

Daniel 7:5

I ukab' keje ktzunik pacha jun yum, i juperaj che uch'akul mas yaktajnaq chwach i jun chik juperaj, chi o oxib' b'aq re k'alk'ax puchi' xol uware; xaq xinta chi kkib'ij che: ¡Jat, chatija b'i ni'pa taq i ti' chi kach'ij utijawik!

Oseas 13:7

Rumal uri, in keje na chke ike pacha jun koj, pacha jun b'alam chi kk'ak'alin pa b'e re kixukamsaj.

Apocalipsis 13:2

I nim laj itzel chikop le chi xwilo, kmajaw jun nim laj b'alam. I raqan, nimaq, pacha raqan jun yum; i uchi', pacha uchi' jun koj. I nim laj itzel kumatz, x-e chuya'ik ucho'ab' che. Are ucho'ab' xaq u'atb'al tzij ire xuya pu'ab', xaq lik xuya che chi kkub'i che ukub'ib'al chi o u'ij.