Daniel 7:5 - Wuj Pa K'ubultzij

⁵ I ukab' keje ktzunik pacha jun yum, i juperaj che uch'akul mas yaktajnaq chwach i jun chik juperaj, chi o oxib' b'aq re k'alk'ax puchi' xol uware; xaq xinta chi kkib'ij che: ¡Jat, chatija b'i ni'pa taq i ti' chi kach'ij utijawik!

Daniel 7:5 Iomraidhean Croise

2 Reyes 2:24

I ma Eliseo xusutij rib' chkitaqexik, xeuk'oqoj pub'i i Ajwal. Are uri juntir xe'el li keb' atitab' yum pa taq es, xeki'an ch'aqa taq chke i keb' kawinaq (42) alab'om le.

Proverbios 17:12

Mas utz kak'ulaj chwach jun ati yum chi lik mi'naq roywal, chwach we kak'ulaj jun b'uy laj winaq chi sachnaq chupam ub'uyil.

ISAÍAS 56:9

Chixpetoq chikop aj pa taq es, chixpetoq chikop chi ix o pa taq che', chkitijawik i jalajuj taq chij;

Daniel 11:2

I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.

Daniel 2:39

Chrij i awajawinik yet, o ni tan chik jun ajawinik chi nti qas u'ij chwach i awe yet, te'uri kk'un jun chi are urox ajawinik re anch'ich' chi o ni ucho'ab' puwi ronojel i ulew.

Daniel 5:28

PARSIN: I awajawinik yet, Nim laj Winaq, jachtal uxol, xaq kjach ni pki'ab' i tinimit Media xaq i Persia.

Daniel 7:4

I nab'e keje ktzunik pacha jun koj, xwiri o uxik' keje pacha re kotxik. Tz'aqat yin kintijin chutaqexik, xkimich' uxik', xkiyak pulew i xki'ayb'a puwi i raqan re chrij, xkitak'b'a anoq pacha taq jun winaq, te'uri xya' jun ranima re winaq.

Daniel 7:6

I urox keje ktzunik pacha jun b'alam, xwiri o kajib' uxik' chel rij; xaq xwilo chi o kajib' ujolom chi xaq xya' i cho'ab' pu'ab'.

Oseas 13:8

Kin-el b'i chuk'ulaxik pacha jun ati yum chi usachom ral taq rak'al, xaq lik kin-an ni ch'aqa taq che i kanima. Pacha taq jun koj keintij nu b'i chila; pacha jun itzel laj chikop kin-an ni k'ax chke.

Apocalipsis 13:2

I nim laj itzel chikop le chi xwilo, kmajaw jun nim laj b'alam. I raqan, nimaq, pacha raqan jun yum; i uchi', pacha uchi' jun koj. I nim laj itzel kumatz, x-e chuya'ik ucho'ab' che. Are ucho'ab' xaq u'atb'al tzij ire xuya pu'ab', xaq lik xuya che chi kkub'i che ukub'ib'al chi o u'ij.