Daniel 4:5 - Wuj Pa K'ubultzij

⁵ Xwiri che jun a'ab', are inkotz'ol chik, xin-an jun achik' chi lik xinuxib'ij, xaq i ch'ob'onik i rilik b'iroxik pa wachij chi lik xinkikoj il.

Daniel 4:5 Iomraidhean Croise

GÉNESIS 41:1

Keb' junab' chrijil chik u'atik tzij rumal ma faraón pkiwi i ajchakib' re ire, are uri ma faraón le xu'an jun achik', xrachik'aj chi tak'al chuchi' i raqana chi Nilo ub'i,

Daniel 1:7

i aj-atzil re i nim laj ja re i ajawinel chi kchakun chila xujalwachij kib'i: A Daniel xuya pub'i a Beltsasar; a Ananías xuya pub'i a Sadrac; a Misael xuya pub'i a Mesac; xaq i a Azarías xuya pub'i a Abed-nego.

Daniel 2:1

Che i ukab' junab' re rajawinik, i ma Nabucodonosor, xrachik'aj k'iyal taq achik', rumal ile lik xok il xaq xk'achirik i lik kwar ti chik.

Daniel 2:3

chi xub'ij chke: —O jun achik' xin-ano i lik kinb'ison rumal, kintijin chuch'ob'ik wach usuk' ke'eloq.

Daniel 4:10

Are iri xwil pinwach are tz'aqat inkotz'olik: Punik'ajal i ulew o jun nim laj che' naj rij.

Daniel 4:13

Xaqte'et xwil pinwach jun ángel ajchajinel chi ktijin li uqajik chikaj,

Daniel 4:15

Xwiri chiya kan i ukutam xaq i ra' pulew; chixima ru' karena re ch'ich' xaq re anch'ich', xaq chiya kan chila pa taq es. Chtzaq ni uxaqk'aj puwi ire, xaq es na kutijo junam ku' i chikop aj pa taq es.

Daniel 4:19

Are uri a Daniel, chi yatal pub'i a Beltsasar, xok ni chuch'ob'ik, lik uxim rib' rumal ni'pa i ch'ob'onik chi kpe pujolom. Xwiri yin in ajawinel, xinb'ij che: A Beltsasar, mattok il che taq i achik' chi wachik'am yin, xaq mitene chrij ub'ixkil usuk' chwe. I a Beltsasar xula' uwach: ¡Ay, ronojel ni'pa taq i usuk' i achik' chtzaq ni pkiwi i ajch'oj chawij yet, Nim laj Winaq!

Daniel 5:10

xwiri ati chuchxel chi ajawinel, xuta usik' i ralab' chi ajawinel xaq ke i nimaq taq ajpatanib' chi je usik'im ru', xok b'i pa ja pa o wi i nim laj wa'im i xub'ij: —¡Lik o ni ak'aslemal yet, Nim laj Winaq, ronojel ij saq! Xaq mattok taq il xaq matu'on saqt'ur,

Daniel 5:11

man che awajawinik o jun achi chi ok'am rumal Utewal i lo'laj Dios. Man aqajaw yet, Nim laj Winaq, are ajawinel te'eq, xuk'utu chi o jun unojb'al saqil i ub'iwil xaq uno'oj pacha taq ke i dios. Rumali i ajawinel ma Nabucodonosor, chi aqajaw yet, Nim laj Winaq, xuch'ik kan rij i achi le chi kaj-atzil konojel i je aj-ij, ajnanel, o kino'oj xaq i jub'an chi keta'am wach ki'anom i ch'umil pa nim laj tinimit,

Daniel 7:1

Che jun a'ab', re nab'e junab' re rajawinik ma Belsasar pa Babilonia, a Daniel xu'an jun achik' xaq o xril puwach. Are xk'un saq chwach, xutz'ib'aj ni'pa taq i o rajwaxik che chi xrachik'aj. Are iri xutz'ib'aj:

Daniel 7:28

Iri are k'isb'al re i tzijonik. Yin, ma Daniel, lik xinkanajik kinch'ob'on che xaq lik xinu'on saqt'ur rumal; xwiri lik mijun che xinlap wi.