Daniel 4:1 - Wuj Pa K'ubultzij

¹ Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

Daniel 4:1 Iomraidhean Croise

PRIMER LIBRO DE CR%D3NICAS 12:18

Are uri ma Amasai, chi aj-atzil chke i je lajuj juwinaq (30) achiyab', rumal utewal i Dios, xub'ij: ¡O ni chomb'al ib' awu' ma David, chi at uk'ojol ma Isaí; lik chk'iji ni i chomb'al ib' awu'. Chk'iji ni chomb'al ib' awu' xaq ku' konojel ni'pa i katkito, man a-Dios at utom yet! Are uri ma David xeuk'ulaj ru' xaq xeuya chkixol aj-atzil pkiwi achiyab' chi je yij che i ch'oj.

Esdras 4:17

Are uri i ajawinel ma Artajerjes keje ula'ik uwach iri xutaq b'i che ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, che ma Simsai chi ajtz'ib' xaq chke i rachi'il chi je jeqel pa Samaria, xaq che ulew chi o pusuk' i qajb'al ij che i raqana Éufrates: Chik'ama jun rutzil iwach.

Esdras 5:7

i wuj keje iri kub'ij: Ru' rutzil qak'ux kqab'ij chawe, Nim laj Winaq, ma Darío, chi kqaj lik utz awach, kqaya retamaxik chawe chi oj uponnaq chusolixik i tinimit Judá, xaq i rachoch i nim laj Dios, chi ktijin tan chik uyakik ru' nimaq taq ab'aj chi antal chom che, xaq ktijin uch'uqik rij ru' tz'alam, man lik anoj rib' i chak k-anik xaq i chak lik ktijin b'i relik.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Daniel 3:29

Rumali wo'or, yin kinya i taqanik, chi pachin taq jun winaq k'ax kch'aw che i Dios ke alab'omi, lik chmutmaxoq, xaq i rachoch chu'ana ni pacha jut'ub'aj tz'il, xa pa chke tinimit kpe wi, we nimaq taq tinimit, xa pa chke taq ch'ab'al, man lik nti chik jun Dios chi ktonik pacha Ire.”

Daniel 3:4

I winaq chi yatal chuqul ub'ixkil i tzij re ujeqik i nima'ij xsik'in chub'ixkil: “Chita, yix winaq re konojel i tinimit, nimaq taq tinimit xaq k'iyal taq ch'ab'al:

Daniel 6:25

Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,

Daniel 6:27

Ire are tol qe xaq aj-o'tanel qe; chi ku'an i nimaq taq anik chikaj xaq chwach ulew. Ire xuto ma Daniel pki'ab' i koj.

Daniel 7:14

Te'uri xya' i cho'ab' pu'ab', chomalil xaq i ajawinik, konojel i winaq re nimaq taq tinimit xaq k'iyal taq ch'ab'al kechakun ru'. I ucho'ab' lik arewi kjaltaj taj, xaq rajawinik lik arewi kwulijsax taj.

ZACARÍAS 8:23

Che taq i ij le, lajuj achiyab' je aj naj ke i jub'an chik nimaq taq tinimit kkichap ni che u'u' jun aj Judío i kkib'ij ni che: “¡Kqaj enam iwu' yix, man qatom chi i Dios o iwu' yix!”

Hechos 2:6

I winaq are xkita chi xjinin upam i ja lik xe'e chrilik xaq lik xkimol la kib' chila. Xaq xch'ob'taj ti chik ub'e kumal b'uchak chi lik chkijujunal xkita wach kkib'ij i winaq chi je kojonnaq che i Dios are xech'aw pkich'ab'al.

Efesios 1:2

I Qaqajaw Dios, xaq i Ajwal Jesucristo, chkiya ni utzil chomal piwi, xaq i utz laj olem piwi yix.

1 Timotéo 1:2

Kintz'ib'aj i wuji chawe, chi lik pacha lik at wak'al rumal ukub'ib'al ak'ux che i Ajwal. I Qaqajaw Dios xaq i Qajwal Jesucristo chkiya i utzil chomal pawi, xaq i uxlanb'al ak'ux, xaq chkiya ni i utz laj olem pawi.

1 Pédro 1:2

Ix ultal rumal i Qaqajaw Dios pacha uch'ob'om li k'a chuxeb'al ij saq. Wo'or rumal i Tewal, ix resam yix man keje ile kixkojon che xaq ix ch'ajtajnaq chik ru' ukik'el i Jesucristo. Chik'ama che i Dios chi lik kuya ni uk'iyal utzil chomal chiwe, xaq i uxlanb'al ik'ux.