Daniel 2:4 - Wuj Pa K'ubultzij

⁴ I je ajch'ob'onel, xkib'ij che i ajawinel pkich'ab'al aj Aram: —¡Lik katk'asi ni yet, Nim laj Winaq, ronojel ij saq! Chalapa chke awajchaki wach awachik'am, i yoj kqab'ij ni usuk' chawe wach ke'eloq.

Daniel 2:4 Iomraidhean Croise

GÉNESIS 31:47

I ma Labán xuya pub'i i k'ijib'al le “Jegar Sahaduta”, xaq ma Jacob xuya pub'i i k'ijib'al le “Galaad”.

GÉNESIS 41:8

Are xsaqirik xwalij loq, lik k'achirnaq rumal i rachik' le chi xu'ano, rumali xutaq kisik'ixik konojel aj-ij xaq konojel i o kino'oj chi je o chila pa Egipto. Are uri xulap i keb' rachik' le chke, xwiri mijun xtiki chusaqixik wach ke'el usuk' i keb' rachik' le.

1 Reyes 1:25

Man wo'or je o pa jun nima'ij, ire xeukamsaj torib', me' xaq uk'iyal taq chij chi lik je ti'oj, xeusik'ij awak'al yet, Nim laj Winaq, xusik'ij ma Abiatar chi ajsujul sipon, xaq konojel i kaj-atzil i achiyab' chi je yij che i ch'oj. Lik ketijin chutzuqik kib', xaq kesik'in chub'ixkil i tziji: “¡Chk'asi ni i ajawinel ma Adonías!”

1 Reyes 1:31

Are uri ati Betsabé xxuki chwach i ajawinel, xuqajsaj upalaj k'a chwach ulew, xaq xub'ij: —¡Lik arewi chk'asi ni ajawinel mam David!

2 Reyes 18:26

Are uri ma Eliaquim, ma Sebna xaq ma Joa, xkila' uwach che ajpatan aj Asiria: —Cha'ana utzil chqe chi chatch'aw qu' pa ch'ab'al aj Aram man yoj kqata ile, xwiri moja'ijla pa Hebreo, man i winaq chi je o chila puwi i tapial nim uwach kkita.

Esdras 4:7

Are xuriq ij chi xok ma Artajerjes pa ajawinik puwi i tinimit Persia, are uri ma Bislam, ma Mitrídates, ma Tabeel xaq i jub'an chik rachi'il, xkitz'ib'aj b'i jun wuj che ma Artajerjes. I wuj le chi xkitz'ib'aj b'ik, tz'ib'tal pa ch'ab'al aj Aram xaq atsam b'i puch'ab'al i ajawinel le.

NEHEMÍAS 2:3

xinb'ij che i ajawinel: —¡Arewi nim ni a'ij yet ajawinel! ¿B'uchak kinb'ison taj, kab'ij yet, i tinimit ipa je muqtal wi inqajaw inchuch lik wulkrijnaq xaq ni'pa i uchija xk'atsaxik?

ISAÍAS 36:11

Are uri ma Eliaquim, ma Sebna xaq i ma Joa xkila' uwach che ajpatan aj Asiria: —Cha'ana utzil, chatch'aw qu' pa Aram, man yoj kqata. Match'aw qu' pa Hebreo man konojel i winaq chi je puwi i tapial nim uwach ketijin chutayik.

ISAÍAS 44:25

Yin kinya taj chi k-ani na wach kkib'ij ajt'oronel laj taq profeta; Yin kin-ano chi ni'pa i kenanik ksach kinojb'al. Yin kin-ano chi ni'pa i o kino'oj kuk'ulaj ti rib' i kitzij chi xaq ronojel ni'pa i keta'am ke'eloq chi lik nti uchak.

Daniel 1:4

alab'om chi lik chom ketzunik, chi lik nti jun k'ax che kich'akul, lik utz kik'aslemal xaq o kino'oj, chi lik o kino'oj chu'anik ni'pa taq i ch'ob'onik, xaq ketiki che ronojel ni'pa i ketaq chu'anik pa nim laj ja re i ajawinel. Chke ike le kk'ut ni kich'awb'al xaq i rajlaxik uwach kitz'ib' aj Caldea.

Daniel 2:7

I je ajch'ob'onel xkila' chik uwach kamul: —Chab'ij chqe, Nim laj Winaq, wach xawachik'aj, i yoj kqab'ij ni usuk' chawe wach kraj ub'ixkil.

Daniel 3:9

Xkib'ij: —¡Yet, Nim laj Winaq, ronojel ij lik o ni ak'aslemal, xaq i ab'i lik ronojel ij chkuxtax na!

Daniel 4:19

Are uri a Daniel, chi yatal pub'i a Beltsasar, xok ni chuch'ob'ik, lik uxim rib' rumal ni'pa i ch'ob'onik chi kpe pujolom. Xwiri yin in ajawinel, xinb'ij che: A Beltsasar, mattok il che taq i achik' chi wachik'am yin, xaq mitene chrij ub'ixkil usuk' chwe. I a Beltsasar xula' uwach: ¡Ay, ronojel ni'pa taq i usuk' i achik' chtzaq ni pkiwi i ajch'oj chawij yet, Nim laj Winaq!

Daniel 4:7

Xek'un konojel ni'pa i aj-ij, ajnanel, ajch'ob'onel aj Babilonia, xaq i jub'an chi keta'am wach ki'anom i ch'umil, yin xinlap i wachik' chke xwiri xetiki ti chub'ixkil chwe wach kraj ub'ixkil i wachik'.

Daniel 4:9

A Beltsasar, kaj-atzil i ajnanel, yin weta'am chi utewal i lo'laj Dios at rok'am, xaq aweta'am ronojel ni'pa taq i etamam ti uwach. Chata uri, wach wilom pwachik', i chab'ij chwe wach kraj ub'ixkil.

Daniel 5:10

xwiri ati chuchxel chi ajawinel, xuta usik' i ralab' chi ajawinel xaq ke i nimaq taq ajpatanib' chi je usik'im ru', xok b'i pa ja pa o wi i nim laj wa'im i xub'ij: —¡Lik o ni ak'aslemal yet, Nim laj Winaq, ronojel ij saq! Xaq mattok taq il xaq matu'on saqt'ur,

Daniel 5:8

Konojel i o kino'oj chi kechakun ru' i ajawinel xe'ok b'i pa ja che i k'ijib'al chi o pa okb'al tan, xwiri mijun xuta ub'e wach kraj ub'ixkil i tz'ib'talik xaq mitene ub'ixkil usuk' che i ajawinel.

Daniel 6:21

I ma Daniel xula' uwach che: —¡Lik o ni ak'aslemal yet, Nim laj Winaq, ronojel ij saq!

Daniel 6:6

Keje uri ile, i je ajk'ak'alinel xaq je aj-ok'al utzam i jalajuj taq tinimit xkijunamsaj kiwach chi kelapan ru' i ajawinel ma Darío; are xeupon chwach, keje iri xkib'ij che: —¡Lik o ni ak'aslemal yet, Nim laj Winaq, ronojel ij saq!

Daniel 6:7

Konojel ni'pa taq i je uwi ujolom i tinimit chi keok'aw utzam lik kimolom kib', i xkib'ij chi o uchak kkiya utzijoxik jun taqanik saqil chi che i lajuj juwinaq (30) ij mijun ku'an jun tz'onb'enik che jun dios xaq mitene che jun winaq, lik xwi chawe yet, Nim laj Winaq. Pachin kkojon taj, o ni uchak kk'aq b'i pa jul ku' i koj.

Mateo 21:9

I winaq chi je nab'e chwach, xaq i je teren loq, konojel xe'ok chi sik': —¡Nim u'ij Ire chi umuq uxikin i qajawinel mam David! ¡Dios chuya ni utz puwi i juni chi utaqom na loq! ¡Lik choksax ni u'ij i Dios! Keje ile xesik'in chub'ixkil.

1 Samuel 10:24

Are uri ma Samuel xutz'onoj chke konojel i winaq: —¿Wo'or xiwil i achi, chi xu'ul i Ajwal chi ajawinel piwi? ¡Chi xaq mijun aj Israel kujunamsaj rib' ru' ire! Are uri konojel aj Israel xesik'in chub'ixkil: ¡Chk'asi ni i ajawinel! Xecha.