Daniel 1:9 - Wuj Pa K'ubultzij

⁹ Rumal uchak i Ajwal, i aj-atzil re i chak pa nim laj rachoch i ajawinel xrilo chi lik utz laj achi a Daniel,

Daniel 1:9 Iomraidhean Croise

GÉNESIS 32:28

Are uri i achi le xub'ij che: —Kb'ix ti chik ma Jacob chawe, wo'or ma Israel kb'ix ni chawe, man xapaj awib' pa cho'ab' ru' i Dios xaq ku' i winaq, xwiri yet xatch'akanik —xcha.

GÉNESIS 39:21

Tupu xmin b'i a José prexil xwiri i Ajwal xro'taj taj xaq xumayij ti uk'utik i k'axnab'al uk'ux che, man xu'an che chi utz x-il rumal i chajal ke ajprexil.

1 Reyes 8:50

Chakuyu ronojel kimak atinimit chi xki'an chawach xaq ronojel ni'pa i kiqelanik. Xaq i winaq chi je yawnaq atinimit prexil, cha'ana chke chi o ni k'axnab'al kik'ux che atinimit.

NEHEMÍAS 1:11

Kintz'onoj k'iyal mul utzil chawe Ajwal, lik chata na wach kintz'onoj chawe xaq lik cheata ni awajchak, chi xwi kkaj ukojik a'ij. Xaq kintz'onoj chawe chi cha'ana ni chwe chi ronojel ni'pa kin-ano lik kinel ni utz ru' xaq cha'ana ni chwe chi kinriq utzil chwach i ajawinel. Che taq i ij le, yin in ajya'ol te'eq uwa'al uva muqb'am che i ajawinel ma Artajerjes.

NEHEMÍAS 2:4

Are uri i ajawinel xub'ij: —¿Wach kin-ano tob'al awe yet? Are uri yin xinya wib' pu'ab' i Dios aj chikaj,

Ester 2:9

I ali le lik xumaj uwach ma Hegai, rumali chi lik utz rilik xu'ano, keje uri ile chi ma Hegai xutaq uya'ik kunb'al che anb'al chom che uch'akul xaq lik xuya i utz laj taq ti'b'alil che; xaq xukoj wuqub' ajke'elab' chi je o chila pa nim laj rachoch i ajawinel, junam ku' i keilawik le xeuya chupam jun utz laj k'ijib'al chupam i nim laj rachoch i ajawinel chi ke ixoqib'.

Job 5:15

I Dios kresaj i nib'a' xaq ni'pa i kkitij i k'ax pki'ab' itzel laj taq winaq;

Job 5:16

Are Ire kkub'saw kik'ux i nti kicho'ab', xwiri i utz ti laj winaq kutz'apij ni kichi' chke.

Salmos 106:46

Xaq i Dios xu'an chke konojel ni'pa i je ajch'oj chkij chi kkil tob'al kiwach.

Salmos 4:3

Chiwetamaj chi i Ajwal are kraj jun winaq chi kkojon che Ire, xaq chiwetamaj chi i Ajwal lik kinuta are kinch'aw ru'.

Proverbios 16:7

I Ajwal are utz kril unojb'al jun winaq, i je ajch'oj chrij ku'an ni chke chi kkichomaj kib' chwach i winaq le.

Daniel 1:10

xwiri xub'ij che: —Kinxij wib' che i wajaw, chi ajawinel. Ire ub'im chwe pachike i kitijo xaq i kitu'u, we kixrilo chi xwi yix kixchomar ti chkiwach i jub'an chik alab'om chi junam i junab' ku', iwumal yix uri chi i ajawinel kutaq inkamsaxik.

Hechos 7:10

man xresaj pa jalajuj taq k'ax chi xutijo. Xuya unojb'al xaq xuya u'ij, rumali i ma faraón chi ajawinel re Egipto xuya ma José pa aj-ok'al utzam i jalajuj taq tinimit re Egipto xaq pa nim laj rachoch i ajawinel le.