Daniel 1:7 - Wuj Pa K'ubultzij

⁷ i aj-atzil re i nim laj ja re i ajawinel chi kchakun chila xujalwachij kib'i: A Daniel xuya pub'i a Beltsasar; a Ananías xuya pub'i a Sadrac; a Misael xuya pub'i a Mesac; xaq i a Azarías xuya pub'i a Abed-nego.

Daniel 1:7 Iomraidhean Croise

GÉNESIS 41:45

Are uri ma faraón xujalwachij ub'i a José xuya pub'i a Zafnat-panea; xaq xutzukuj jun rixoqil chi al Asenat ub'i, umi'al ma Potifera, chi ajsujul sipon chwach jun chik dios chila pa tinimit On. Keje ukanajik a José ile pukab' atol tzij puwi ulew Egipto.

2 Reyes 23:34

Xwi ta la ile, i ma faraón, chi ma Necao le, xuya ma Eliaquim pa ajawinel, chi uk'ojol ma Josías, xkanaj puk'exel uqajaw xaq xujalwachij ub'i, xuya pub'i ma Joacim. I ma Necao xuk'am b'i ma Joacaz pa Egipto, chila xkam wi.

2 Reyes 24:17

Chrijil chik ile, i ajawinel aj Babilonia xuya kan a Matanías pa ajawinel puk'exel i rika' chi ma Joaquín. Xaq xujalwachij ub'i, xuya pub'i Sedequías.

Daniel 1:19

I ajawinel xlapan ku' ike, i chkixol ni'pa taq alab'om le, lik mijun xuriqo chi kemajaw pacha a Daniel, a Ananías, a Misael xaq i Azarías, je are ike le xekanaj kanoq re je rajchak i ajawinel.

Daniel 1:3

xwi ta la ile, xaq xutaq ma Aspenaz, chi kaj-atzil i je ajtaqon chi je o pa nim laj rachoch i Ajawinel, chi chkixol i aj Israel chi je ralk'uwal i saqil laj ajawinel xaq kalk'uwal i winaq chi o ki'ij keuk'am na li

Daniel 10:1

Che urox junab' re rajawinik ma Ciro re i tinimit Persia, ma Daniel chi xaq ub'i ma Beltsasar, xril jun saqil laj ilik puwach, xwiri lik k'ax umajik usuk' wach ke'eloq. Xwiri ma Daniel lik xutatb'ej ile rumali lik xuta ub'e wach kraj ub'ixkil.

Daniel 2:26

Are uri i ajawinel xub'ij che a Daniel, chi kiya'om pub'i a Beltsasar: —¿Kattiki yet chub'ixkil chwe wach i xwachik'aj, i wach kraj ub'ixkil i wachik' le?

Daniel 2:49

Tz'onb'enik re a Daniel che i ajawinel chi kuya chke a Sadrac, a Mesac xaq i a Abed-nego jun kik'ijib'al chi lik o u'ij chi are i ke je o puwi i ulew re tinimit Babilonia. I a Daniel xkanaj chila pa ku'at wi tzij i ajawinel.

Daniel 4:5

Xwiri che jun a'ab', are inkotz'ol chik, xin-an jun achik' chi lik xinuxib'ij, xaq i ch'ob'onik i rilik b'iroxik pa wachij chi lik xinkikoj il.

Daniel 4:8

Pa k'isb'al re xk'un a Daniel, chi xaq ub'i a Beltsasar, chi are ub'i in-dios, chi uk'aslemal uk'am rumal utewal i lo'laj Dios, i xinlap i wachik' che chi keje iri:

Daniel 5:12

i ajawinel ma Nabucodonosor xuya pub'i a Daniel le Beltsasar, ire le o jun tewal ru' chi lik nim u'ij, re b'iwil xaq re nojb'al chi kuta ub'e wach kraj ub'ixkil i achik', xaq kub'ij wach kel usuk' i tzij chi uwam uwach xaq ktiki chu'anik ni'pa taq k'ax k-anik. Nim laj winaq, chasik'ij a Daniel, ire kub'ij ni usuk' chawe wach kraj ub'ixkil i tzij chi tz'ib'tal chwach xan.