Daniel 1:2 - Wuj Pa K'ubultzij

² I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

Daniel 1:2 Iomraidhean Croise

GÉNESIS 10:10

I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi.

GÉNESIS 11:2

Are xe'el chila pusuk' i relb'al ij, xkiriq jun nim laj ta'aj che ulew Sinar; xejeqi chila.

2 Reyes 24:1

Che rajawinik ma Joacim, i ma Nabucodonosor, chi ajawinel re i tinimit Babilonia, xumaj kan i tinimit, are uri ma Joacim xk'iji oxib' junab' pu'ab' ma Nabucodonosor le. Xwiri ma Joacim xk'un unojb'al, are uri xqelan che ronojel ni'pa kb'ix che.

SEGUNDO LIBRO DE CR%D3NICAS 36:5

Ma Joacim o jo'ob' juwinaq (25) junab' che are xujeq ajawinik, julajuj junab' xuch'ij pa ajawinel chila Jerusalén. Xwiri ronojel ni'pa xu'ano lik utz taj chwach i Rajwal Dios.

SEGUNDO LIBRO DE CR%D3NICAS 36:7

I ma Nabucodonosor le xuk'am b'i keb' oxib' che i chapanb'al re i rachoch i Ajwal, xuya prachoch ire chila pa Babilonia.

Esdras 1:7

I ajawinel chi ma Ciro xujach ronojel ni'pa i chapanb'al re i rachoch i Ajwal chi uk'amom b'i ma Nabucodonosor, chi xeuya chila prachoch i jalajuj taq udios.

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

ISAÍAS 42:24

¿Pachin xyawik chi aj Israel, chi utinimit ma Jacob, k-ani tikilem chke xaq ke'el-ax b'ik? ¿Xatab'a qatzij taj chi are i Ajwal? Are ike xemakun chwach Ire, xkaj ti xeb'in che ub'e chi uk'utum Ire chke, lik xekojon ti che uk'utunik.

JEREMÍAS 25:1

Che ukaj junab' re urajawinik ma Joacim, chi uk'ojol ma Josías, aj pa tinimit Judá, are uri i Ajwal xlapan ru' ma Jeremías xaq xuya jun tzijonik che chrij ronojel i tinimit Judá. Ile x-ani che i nab'e junab' re urajawinik ma Nabucodonosor chila Babilonia.

JEREMÍAS 27:16

Te'uri xinlapan ku' ajsujul sipon xaq ku' i winaq, xinb'ij chke: Keje iri kub'ij i Ajwal: Mikoj retalil chke i profeta chi kkisaqij chi ya ktzalijsax chali pa Babilonia ronojel ni'pa i jalajuj taq chapb'al prachoch i Dios. Ronojel ile chi kkb'ij chiwe xa nuk'um tzij.

JEREMÍAS 28:3

xaq pa keb' junab' kin-an na chi ketzalijsax chali che i k'ijib'ali ronojel ni'pa i chapb'al re i rachoch i Dios chi xuk'am b'i ma Nabucodonosor pa Babilonia.

JEREMÍAS 35:11

Xwiri are ma Nabucodonosor chi ajawinel re i Babilonia xtiki kan chuk'amik i nim laj tinimiti, are uri yoj xqach'ob' k'unik pa Jerusalén, re koj-anmaj chkiwach i achiyab' chi je yij che i ch'oj chi aj Caldea xaq aj Siria. Rumali chi oj jeqel chi Jerusalén.”

JEREMÍAS 50:2

“Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

JEREMÍAS 51:44

Kinya ni utojb'alil che i dios Bel pa Babilonia, kin-an ni che chi kuxab'uj na li utijom b'ik, xaq lik mijun chke i nimaq taq tinimit ktzalij chal chutzukuxik. ¡Ya xetzaq i tapial re Babilonia!

Daniel 5:13

I a Daniel xk'am b'i chwach i ajawinel, i ajawinel xutz'onoj che: —¿Yet at a Daniel, jun chke ajprexil aj Judá chi inqajaw ajawinel ma Nabucodonosor, xuk'am li che i tinimit Judea?

Daniel 5:18

I Nim laj Dios are Ire xuya i ajawinik, xaq i nim laj cho'ab', chomalil xaq i u'ij i ma Nabucodonosor, chi aqajaw yet, Nim laj Winaq.

Habacuc 1:16

Rumali i ajchapol kar lik kukoj ki'ij i ratraya xaq i xok ch'ich', xaq kusujuj i poronik xaq kuk'at pom kojb'al re ki'ij, kumal ike le o wach kutijo xaq lik k'i o ru'.

ZACARÍAS 5:11

Ire xula' uwach chwe: “Kkiyak jun rachoch tiox pa Babilonia. Are ya utzinnaq chik uyakik i ja le, kkiya ni pajb'al le chila puwi ukub'ib'al.”

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

Jueces 3:8

Rumali i Ajwal xpe roywal chke aj Israel xaq xeujach pu'ab' ma Cusan-risataim, chi ajawinel re i tinimit Mesopotamia. Wajxaqib' junab' xechakun aj Israel chrij i ajawinel le.

Jueces 4:2

Rumali i Ajwal xeujach pu'ab' ma Jabín, chi ajawinel ke aj Canaán, chi ku'at tzij pa tinimit Hazor. I ma Jabín le o jun aj-atzil ukojom pkiwi achiyab' chi je yij che i ch'oj, chi ma Sísara ub'i, jeqel chila pa Haroset-goim.

1 Samuel 5:2

Xkikoj b'i chila prachoch i tiox Dagón, lik chuk'ulel i tiox le xkiya wi.