Daniel 1:12 - Wuj Pa K'ubultzij

¹² —Kintz'onoj utzil chawe chi ka'an jun ilb'al re chke awajchaki: Chataqa ub'ixkil yet chi che lajuj ij chya' ni chqe chi xwi ichaj kqatijo, xaq to' ya kqatu'u.

Daniel 1:12 Iomraidhean Croise

Daniel 1:11

Are uri a Daniel xlapan ru' i ajtzuqul ke, chi yatal kan chuqul rumal i aj-atzil chi keutzuq ni a Daniel, a Ananías, a Misael xaq a Azarías, i xub'ij che:

Daniel 1:13

Are kik'aw i ij le, chajunamsaj i qatzunb'al ku' i jub'an chik alab'om chi xkitzuq kib' ru' iwa chi pacha kutij i ajawinel, te'uri cha'ana chqe yoj chrij wach kawil chqe.

Daniel 1:16

Keje uri ile, i aj-ilol ke xresaj b'i kiwa xaq i uwa'al uva muqb'am chkiwach chi kkitij te'eq pacha kutij i ajawinel, i puk'exel ile ichaj kuya chke.

Romanos 14:2

Pacha taq iri, o jujun kkich'ob'o chi is utz wach i ktijawik, xwiri o jujun qas ti jikil kik'ux xaq kkib'ij ike chi xwi ichaj utz ktijawik re uti'b'alil kiwa.

Deuteronomio 8:3

Tupu xixrik'awsaj pa k'ax xaq xitij numik, xwiri chrijil chik ile xixutzuq ru' maná. I maná le iweta'am ti uwach yix xaq mitene iwatit imam keta'am ti uwach, xuk'ulmaj ile yab'al retamaxik chiwe chi xwi ti ru' wa kk'asi wi jun winaq, xaq kk'asi rumal i tzij chi kel li puchi' i Ajwal.

Apocalipsis 2:10

Maxij awib' che i k'ax chi kpe ni pawi, man o ni jujun chiwe yix, kixumin ni Itzel prexil; man kraj ire chi iwonojel kixtzaq chupam i tzaqsab'al. Chi lajuj ij kitij ni uyej, xwiri miniwo'taj tupu kixkamsaxik. We keje ile ki'ano, kinya ni sipon chiwe, chi are i k'aslemal saqil.