Apocalipsis 6:1 - Wuj Pa K'ubultzij

¹ Te'uri, xwil i Ral Chij xuraqch'ij i nab'e sello chke i wuqub' sello. Are uri xinta uch'awb'al jun chke i kajib' chi o kixik' pacha winaq i uch'awb'al pacha uch'awb'al jab', chi xub'ij chwe: “¡Sa'aj xaq chawila!” Xcha.

I ʼUtz Laj Tzij Re I Dios

¹ Teʼuri, xwil i ral Chij (chi are i Kajwal Jesucrísto) xu rakchʼij i nabe séllo che i wukub. Are ʼuri xin ta u chʼawbal jun chique i cajib chi je pacha ángel; i u chʼawbal pacha u chʼawbal jab. Xu bij: —¡Saʼaj y chawila! —coʼono.

Ri Utzilaj Tzij re ri Kanimajawal Jesucristo

¹ Xinwilo echiri' ri K'apoj Bexex xuloch'ij ri nabe sello y xinta ukul jun chique ri cajib c'o quic'aslemal pacha' e ángeles. Rire xch'aw pacha' uch'awibal jab, jewa' xubi'ij: «¡Sa'a!» xcha'.

Ri utzilaj tzij re ri kanimajawal Jesucristo

¹ Xinwilo echiri' ri Q'apoj B'exex xuloch'ij ri nab'e sello y xinta uqul jun chike ri kajib' k'o kik'aslemal pacha' e ángeles. Rire xch'aw pacha' uch'awib'al jab', jewa' xub'i'ij: «¡Sa'a!» xcha'.

Apocalipsis 6:1 Iomraidhean Croise

Juan 1:29

Chukab' ij, i ma Wan xril uwach i Jesús chi ktijin utejeb'ik ru', are uri xub'ij chke i winaq: “¡Chiwila pe', ile are Ral Chij re i Dios chi kresaj kimak konojel i winaq chwach i jyub' ta'aj!

Hechos 4:20

Yoj lik kqamayij ti ub'ixkil ni'pa qilom xaq i qatom.

Apocalipsis 11:19

Te'uri, xintaqej i xwil i chom laj rachoch i Dios chila chikaj jaqal na; xaq chila pa ja xwil wi i lo'laj kaxa chi o i utrat i Dios chupam. Are uri, xpe urep a', xaq xpe i kraqlaj ray, xaq jub'an chik ch'awb'al, xaq xpe jun kab'raqan, xaq xpe jun nim laj jab' lik saqb'ach upam.

Apocalipsis 13:8

Konojel i winaq chwach i jyub' ta'aj kkikoj ni u'ij i nim laj itzel chikop le, i winaq le are i tz'ib'tal ti kib'i chupam i wuj re i k'aslemal chuxeb'al li ij saq, chi o pu'ab' i Ral Chij chi xkamsaxik.

Apocalipsis 14:2

Te'uri xinta jun ch'awb'al chikaj pacha uch'awb'al uk'iyal ya, ko' upam, xaq pacha uch'awb'al jab' ktininik. I ch'awb'al chi xinta le keje pacha uch'awb'al uk'iyal arpa are k-ojmax kumal aj-ojmanel.

Apocalipsis 19:6

Te'uri xinta pacha kich'awb'al je uk'iyal winaq; xinta yin pacha uch'awb'al uk'iyal ya, ko' upam, xaq pacha k-on uch'awb'al jab' lik ko' upam. Keje iri xkib'ij: ¡K'amori che i Dios, man i Ajwal ya xujeq u'atb'al tzij, i qa-Dios chi Ronojel Ktiki che!

Apocalipsis 4:8

Chkijujunal, o waqib' kixik'; xaq chkij chkiwach o kib'a'wach. Ike le ke'uxlan ti chub'ixkil i tziji chipa'ij, chicha'ab': “¡Lo'laj Dios, lo'laj Dios, lo'laj Ajwal Dios chi ronojel ktiki che. Ire ax o wi, xaq are o wo'or, xaq are kk'unik!” Keje ile kkib'ij.

Apocalipsis 5:1

Te'uri xwilo, i Jun chi kul pa kub'ib'al chi o u'ij, o jun wuj pu'ab' wiqab'im. I wuj le, o tz'ib' che k'ulala, xaq b'orom uwach, xaq nak'om wuqub' sello chuchi', tz'apb'al re.

Apocalipsis 5:12

Ike xesik'in chub'ixkil i tziji: “¡I Ral Chij chi kamsam na, kmajaw che chi koksax u'ij rumal o pu'ab', rumal ub'eyomal, rumal unojb'al, rumal ucho'ab', kmajaw che chi koksax ni u'ij, kb'ix ni uchomal, kb'ix ni unimal u'ij!” Keje ile xkib'ij i k'iyal ángel.

Apocalipsis 5:8

Are xuk'am i wuj, i kajib' b'iroxik chi o kixik' pacha winaq xexuki chwach i Ral Chij le; xaq keje xki'an i je kajib' juwinaq (24) nimaq taq winaq. I je nimaq taq winaq le, chkijujunal o ki-arpa, xaq kuk'am b'i tu'b'al re an-o'oj nojnaq che pom porb'al re chwach i Dios. I pom le are kitz'onb'al i jutzob'aj re i Cristo chwach i Dios.

Apocalipsis 6:3

Te'uri, xaq xwil chik i Ral Chij xuraqch'ij i ukab' sello. Are uri xinta uch'awb'al i ukab' chke i kajib' b'iroxik chi o kixik' pacha winaq chi xub'ij chwe: “¡Sa'aj xaq chawila!” Xcha.

Apocalipsis 6:5

Te'uri, xaq xwil chik i Ral Chij xuraqch'ij i urox sello. Are uri xinta uch'awb'al i urox chke i kajib' b'iroxik chi o kixik' pacha winaq, chi xub'ij chwe: “¡Sa'aj xaq chawila!” Xcha. Xintaqej xaq xwil jun kaway eq rij i jun kul chrij, o jun pexu pu'ab'.

Apocalipsis 6:7

Te'uri, xaq xwil chik i Ral Chij xuraqch'ij i ukaj sello. Are uri xinta uch'awb'al i ukaj chke i kajib' b'iroxik chi o kixik' pacha winaq, chi xub'ij chwe: “¡Sa'aj xaq chawila!” Xcha.

Apocalipsis 8:1

Ire, chi Ral Chij kb'ix che, xuraqch'ij i uwuq sello; are uri lik xtz'ini chila chikaj; xuch'ij nik'aj or lik tz'inilik.