Apocalipsis 5:9 - Wuj Pa K'ubultzij

⁹ Xkib'ixaj jun b'ix lik k'ak'; are iri: “Yet kmajaw chawe kak'am ni wuj le xaq karaqch'ij ni sello chi o che; man yet at kamsam chwach i Dios, xaq ru' akik'el xealo' i winaq, yab'al ke che i Dios. Je alo'om ronojel i tinimit, ronojel i jyub', ronojel kijayil, xaq ronojel ch'ab'al.

I ʼUtz Laj Tzij Re I Dios

⁹ Xqui bixaj jun bix lic cʼacʼ; are iri: Yet ca majaw chawe ca cʼam ni wuj-le y ca rakchʼij ni séllo chi ʼo che; Man yet at camsam na chuwach i Dios, y rumal ni a camic xe a loʼ ni winak, yabal na que che i Dios. Je a loʼom re ronojel tak tinimit, ronojel tak jyub, ronojel tak quijayil, ronojel tak chʼawbal.

Ri Utzilaj Tzij re ri Kanimajawal Jesucristo

⁹ Y caquibixoj wa jun c'ac' bix: «Xew Rilal takal che'la cac'am la ri jubotaj wuj y caloch'ij la tak ri sellos nac'al che, ma xya ib la pa camic y jec'ula' xelok' la ruc' ri quiq'uel la conoje ruq'uiyal quiwach tak ri ticawex che ronoje ruq'uiyal uwach ch'a'temal y conoje tak ri tinamit cha' quebu'ana re ri Dios.

Ri utzilaj tzij re ri kanimajawal Jesucristo

⁹ Y kakib'ixoj wa jun k'ak' b'ix: «Xew Rilal taqal che'la kak'am la ri jub'otaj wuj y kaloch'ij la taq ri sellos nak'al che, ma xya ib' la pa kamik y jek'ula' xeloq' la ruk' ri kik'el la konoje ruk'iyal kiwach taq ri tikawex che ronoje ruk'iyal uwach ch'a'temal y konoje taq ri tinamit cha' keb'u'ana re ri Dios.

Apocalipsis 5:9 Iomraidhean Croise

Salmos 144:9

Ajwal, kinb'ixaj jun k'ak' b'ix chawe, kinb'ixaj jun b'ix chawe ru' i arpa.

Salmos 149:1

¡K'amori che i Dios! Chib'ixaj jun k'ak' b'ix che i Ajwal, chikojo u'ij pa komon ke i winaq chi o saqil laj tzij pkik'ux,.

Salmos 33:3

chib'ixaj ru' jun b'ix k'ak', lik utz uyinik i ojom, chi'ana che are kib'ixaj.

Salmos 40:3

Xu'an chwe chi xel li jun b'ix k'ak' pinchi', jun b'ix re kojb'al u'ij i Qajwal Dios, are xkil ile, lik je k'i xuyin kik'ux xaq xkikub'a kik'ux che i Ajwal.

Salmos 96:1

Chib'ixaj jun b'ix k'ak' che i Ajwal; chib'ixaj i Dios iwonojel yix chi ix winaq chwach i jyub' ta'aj,

Salmos 98:1

¡Chib'ixaj i Dios ru' jun b'ix k'ak', man u'anom nimaq taq il! ¡U'ab' wiqab'im xaq lo'laj uteleb' xe'anaw i ch'akanik!

ISAÍAS 42:10

Ru' jun k'ak' b'ix chib'ixaj i Ajwal, ni'pa ix o li k'a naj che uchi' ulew chib'ixaj, ni'pa keb'in chwi taq mar xaq ni'pa i chikop chi je o chupam, ni'pa i nimaq taq tinimit chi je o chi taq mar xaq konojel i kiwinaq.

Daniel 3:4

I winaq chi yatal chuqul ub'ixkil i tzij re ujeqik i nima'ij xsik'in chub'ixkil: “Chita, yix winaq re konojel i tinimit, nimaq taq tinimit xaq k'iyal taq ch'ab'al:

Daniel 4:1

Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

Daniel 5:19

Ni'pa taq xya' che chi ktiki che, konojel ni'pa i winaq pa taq tinimit, nimaq taq tinimit xaq i ch'ab'al lik kekojon che xaq lik kesiksat chwach Ire. Ire kukamsaj xaq kuya uk'aslemal pachin che kraj Ire; o jujun kuyak ki'ij xaq jub'an chik kuqajsaj ki'ij.

Daniel 6:25

Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,

Mateo 20:28

Chu'ana uri che rib' pacha kin-an Yin chi Xinalaxoq chwach Ulew pacha Winaq; in k'unnaq na pacha mokom chkij i winaq; are ti ike je inmokom Yin. In k'unnaq man kinya ni wib' che i kamik, tojb'al re i kelb'al uk'iyal winaq pa k'ax —xub'ij i Jesús chke.

Mateo 26:28

Man iri are inkik'el chi kyijb'aw ni trat k'ak' ru' i Dios, kturuw na kuyb'al kimak i winaq.

Hechos 20:28

Rumali lik chixk'ask'atoq xaq chichajij i tzob'ajil re i Dios, man i Lo'laj Utewal i Dios xuya kan chiqul keichajij, pacha ix ajyu'unel, man lik keje ile kichajij i jutzob'aj re i Dios chi xulo' Ire ru' ukik'el Uk'ojol.

1 Corintios 6:20

man i Dios ix ulo'om chik, utojom chik iwajil, rumal Ire xixtotajik, rumali lik chikojo u'ij Ire ru' ich'akul, ru' iwanima, man lik ix re i Dios.

1 Corintios 7:23

I Dios ix ulo'om chik, nim i rajil utojom elsab'al iwe chisaq; rumali miya chik iwib' pu'ab' jun chik iwajaw.

Efesios 1:7

Rumal ukamik i Cristo chwach i krus xaq i ukik'el chi xujamo, o kuyb'al qamak, xaq o i qelb'al chisaq. Keje ile u'anom rumal i nim laj rutzil uk'ux chqe.

Efesios 5:19

Are kixch'a'at chiwach, chikuxtaj i b'ix kojb'al u'ij i Dios, b'ix chi tz'ib'tal kanoq chi Salmos kb'ix che, xaq ni'pa i b'ix re i b'ixanb'al, lik chib'ixaj u'ij i Ajwal pik'ux.

Colosenses 1:14

Rumal ukamik ire, ya tojtajnaq chik i qelb'al chisaq; xe'eloq chi kuytajnaq chik ni'pa i qamak.

Colosenses 1:23

Keje ile kel chiwe, xwiri we kimayij ti ukub'ib'al ik'ux che i Cristo, we lik ix jikil che, xaq we kb'a'krij ti ik'ux che i roy-exik i utz chi kpe ni piwi. I utz laj tzij k'ak' re i Dios chi ya itom chik, are i tzij chi wo'or ktijin ub'ixkil ronojel uwach i jyub' ta'aj; i yin in ma Pablo xaq in ajb'il re.

Tito 2:14

Ire xuya rib' pu'ab' i kamik qumal yoj, elsab'al qe che ronojel i mak atzalal, xaq anb'al re chqe chi oj ch'am laj taq winaq, lik oj re ire. Keje xu'an ire ile, anb'al re chqe chi oj sik'aj chu'ankil i utz.

Hebreos 11:14

Pachin kub'ij keje ile, alaj uri chi lik k'amaja kuriq rulew, k'a kb'in chutzukuxik.

2 Pédro 2:1

Xaq o i je ajt'oronel chkixol i aj Israel winaq ujer chi xkib'ij chi profeta, xwiri qatzij taj. Xaq keje ile, je o ni i tijonelab' chi kewalij ni chixol yix chi xa je ajt'oronel. Kita yix, chi ike saq laj tzij i kkib'ij; xwiri xa kok'il ke'ok ni chub'ixkil i t'orb'al tzij, sachb'al iwe. Xaq kkixutuj i Ajwal chi xutoj i kelb'al chisaq; rumal ile, xaqte'et kpe ni usachik kiwach.

1 Juan 1:7

Xwiri, we kojb'in pa saq ru' i Dios. Man Ire lik o pa saq, ke'el uri junam qawach yoj ru'; xaq i ukik'el i Jesucristo chi Uk'ojol lik, kuch'aj ni ronojel i qamak.

1 Juan 2:2

Ire xu'an qak'exel, man xuya rib' xkamsaxik, tojb'al qamak yoj. Xwi ti rumal qamak yoj, xaq rumal kimak konojel i winaq chwach i jyub' ta'aj.

Apocalipsis 10:11

Te'uri xb'ix chwe: “Yet, o uchak kapaxsaj chik utzijol wach k-on ni Dios chke uk'iyal taq tinimit, uk'iyal taq ulew, uk'iyal taq atol tzij, uk'iyal taq winaq, xaq i jalajuj taq ch'ab'al.” Xb'ix chwe.

Apocalipsis 11:9

Ni'pa i winaq re ronojel taq tinimit, ronojel taq ulew, ronojel taq kijayil, ronojel taq ch'ab'al, ike to' kekitaqej i kamnaq je o pa b'e; keje kki'an ni ile oxib' ij ru' nik'aj. Kkiya taj chi kemuqik.

Apocalipsis 13:7

Xaq xya' che chi ku'an ni ch'oj chkij ni'pa i je re i Dios, keje ile lik k'a ktiki ni chke. Xaq xya' che chi ku'an ni atb'al tzij pkiwi konojel i winaq, ronojel ulew, ronojel kijayil xaq ronojel taq ch'ab'al.

Apocalipsis 13:8

Konojel i winaq chwach i jyub' ta'aj kkikoj ni u'ij i nim laj itzel chikop le, i winaq le are i tz'ib'tal ti kib'i chupam i wuj re i k'aslemal chuxeb'al li ij saq, chi o pu'ab' i Ral Chij chi xkamsaxik.

Apocalipsis 14:6

Te'uri xwil chik jun ángel krupup chikaj, rok'am i tzij chi nti uk'isik re i qelb'al chupam i qamak. I tzij le, ke i winaq pa ronojel taq tinimit, ronojel taq ulew, ronojel taq kijayil xaq ronojel taq ch'ab'al.

Apocalipsis 15:3

Xkib'ixaj ub'ix i mam Moisés, chi rajchak i Dios ujer; xaq are i b'ix re i Tol qe chi Ral Chij kb'ix che. Kkib'ij: “Yet at Ajwal Dios, chi Ronojel Kattiki Che. ¡Ronojel taq i ka'ano, lik nim, lik chom! Yet at Ajawinel pkiwi konojel i nimaq taq tinimit. ¡Ronojel i ka'ano lik suk'ulik, lik saq laj tzij!

Apocalipsis 17:15

I ángel xub'ij chik chwe: I uk'iyal ya chi xawilo, ipa kul wi i ch'am laj ti ixoq, ke'eloq je are uk'iyal taq winaq, uk'iyal taq tinimit, uk'iyal taq ulew, uk'iyal taq kijayil xaq uk'iyal taq ch'ab'al.

Apocalipsis 4:11

Ajwal Dios chi qe yoj, yet kmajawik koksax a'ij, xaq kb'ix achomal, xaq kb'ix acho'ab'. Man yet xat-anaw ronojel ni'pa i olik; xa rumal keje xawaj ile chi je o na, xaq je ayijb'am na. Keje ile kkib'ij che i Dios.

Apocalipsis 5:12

Ike xesik'in chub'ixkil i tziji: “¡I Ral Chij chi kamsam na, kmajaw che chi koksax u'ij rumal o pu'ab', rumal ub'eyomal, rumal unojb'al, rumal ucho'ab', kmajaw che chi koksax ni u'ij, kb'ix ni uchomal, kb'ix ni unimal u'ij!” Keje ile xkib'ij i k'iyal ángel.

Apocalipsis 5:6

Are uri xintaqej, xaq xwil pacha jun Ral Chij alaj che chi kamsam na, xwiri k'aslik tak'al chila. Chila tak'al wi ru' i kub'ib'al chi o u'ij, chkiwach i kajib' b'iroxik chi o kixik' pacha winaq ketzunik, xaq chkiwach i nimaq taq winaq. I Ral Chij le, o wuqub' rok'a', xaq wuqub' ub'a'wach, ile are i wuqub' Lo'laj Utewal i Dios utaqom li chwach ronojel i jyub' ta'aj.