PRIMER LIBRO DE CR%D3NICAS 20:3 - Wuj Pa K'ubultzij

³ I ma David xeresaj i winaq chila chi xek'asi kanoq, xeutaq chrelsaxik tz'alam, chupa'ik uwach ulew xaq chu'anik i jalajuj taq chak ru' ikaj. Xaq keje ile xu'an chke konojel aj Amón; te'uri xtzalij b'i pa Jerusalén junam ku' uwinaq chi je yij che i ch'oj.

PRIMER LIBRO DE CR%D3NICAS 20:3 Iomraidhean Croise

1 Reyes 9:21

ke'eloq chi je are kimuq kixikin kan ike chi xekanaj kan chila chwach ulew le, chi xaq xetiki ti aj Israel chkikamsaxik, i ma Salomón xeutaq chu'anik i k'ax laj taq chak, k'a are antal chke wo'or.

2 Samuel 12:31

I winaq chi xek'asi kanoq, xeresaj b'i chila, xeutaq pa chak ru' ch'ich' elsab'al tz'alam, ru' pa'b'al ulew xaq ru' ikaj, xaq i jub'an chik, xeutaq chuporoxik i ral taq xan. Xaq keje ile xu'an chke konojel i tinimit Amón, chrijil chik ile, xtzalij b'i pa Jerusalén junam ku' i achiyab' chi je yij che i ch'oj.

JOSUÉ 9:23

Rumali wo'or kixkanaj puyej ronojel ij saq, ix aj-ilol ni si' xaq ix aj-erel ni ya re jalajuj taq chak re rachoch in-Dios.

ÉXODO 1:14

xaq lik x-ani k'ax che kik'aslemal chuyijb'axik i xo'ol anb'al xan xaq chu'anik ronojel i jalajuj taq chak pa taq es; ronojel i chak le chi xki'an aj Israel, lik x-il ti tob'al kiwach kumal aj Egipto.

Hebreos 11:37

O jub'an chik xekamsax ru' ab'aj, xaq je o jujun xepir pa nik'aj ru' sierra. Xaq je o jujun xekamsax ru' ch'ich' chi o uware k'ulala. O jujun xe'e jela, xe'e jewa, nti ki'u', to' utz'umalil chij, utz'umalil chab'at xkikojo; lik je nib'a', xaq xe'oksax il, lik xaqmanal x-an chke.