Jémz 4:6 - Tèstèman nèf-la: Épi an posyòn an liv samz-la

⁶ Mé lagwas-la Bondyé ka bay-la pli fò toujou. Kon lévanjil-la di: “Bondyé kont sé moun-an ki ka kwè yo-a, mé i ka voyé lagwas li asou sé moun-an ki ka abésé kò yo-a.”

Jémz 4:6 Iomraidhean Croise

Mafyou 13:12

Kon sa moun-an ki ni lakonpwann-an, Bondyé kay ba li ankò, épi i kay niʼy alabondans. Mé moun-an ki pa ni-an, Bondyé kay pwan jis tizing-lan i ni-an.

Mafyou 23:12

Moun-an ki kwè i pli enpòtan-an, Bondyé kay mennenʼy désann, épi moun-an ki abésé kòʼy-la, sé li Bondyé kay fè vini enpòtan.

Louk 1:52

I ka tiwé otowizasyon pou kondwi an lanmen wa, mé i ka fè lé pòv enpòtan.

Louk 14:11

Paski tout moun ki ka lévé kò yo anlè kay abésé, èk tout moun ki abésé kò yo, Bondyé kay lévé yo mouté.”

Louk 18:14

Jézi di, “Mwen ka diʼw, Bondyé pawdonnen dézyenm nonm-lan avan nonm sala alé lakay li, mé i pa pawdonnen Fawizyen-an. Paski moun-an ki lévé kòʼy mouté-a kay abésé, èk moun-an ki abésé kòʼy-la kay lévé mouté.”

Jémz 4:10

Abésé kòʼw douvan Senyè-a èk i kay lévéʼw anlè.

1 Pita 5:5

An menm mannyè-a, sé sa ki jenn anpami zòt-la sipozé obéyi sé sa ki ja gwan-an. Zòt tout sipozé abésé kò zòt anba yonn a lòt. Kon lévanjil-la di, “Bondyé kont moun ki ni lògèy, mé i ka antwé an favè tout sa ki ka abésé kò yo.”