Jémz 3:8 - Tèstèman nèf-la: Épi an posyòn an liv samz-la

⁸ Mé pyèsonn pa janmen fè lanng-lan vini dous. I sé an bagay ki mové. Pyès moun pa sa fèʼy obéyi. I ka tjwé an moun menm kon pwézon an sèpan.

Jémz 3:8 Iomraidhean Croise

Ronm 3:13

Lè yo ouvè bouch yo pou palé, i menm kon an twou ki ouvè an tè-a pou valé moun. Épi yo ka sèvi lanng yo pou toujou kwennen moun. Dèyè lèv yo ni vlen menm kon an danjéwé sèpan.

Jémz 3:6

Lanng-lan sé menm kon an difé. Sé andidanʼy tout movèzté ka wèsté, paski sé yon manm an kò nou i yé, i ka pwézonnen tout kò-a nèt. I ka mété tout lavi nou an difé jis tan i détwi nou nèt. Sé lanfè menm ki mété difé sala an lanng-lan.

Jémz 3:7

Nonm sa fè tout kalité bèt vini dous — bèt sovay èk jibyé, bèt ki ka maché asou bouden yo, èk pwéson ki lanmè. Nonm ja wivé fè yo tout vini dous.

Wévélasyon 12:9

Kon sa yo pwan gwo sèpan-an yo ka kwiyé Satan ében Denmou-an, èk yo jétéʼy désann anlè latè-a, li épi tout sé nanj li-a. Sé li ki gwo sèpan-an ki té la dépi an koumansman-an ki té ka kwennen sé moun latè-a.