Lucas 7:9 - Liáꞌa Chuánshi Dios Shínaa

⁹ Jesús cáarrudau léemi jiliéni, licábadeda nalí náa'a chóniwenai yáaineu líshiirricu, limá'ee nalí: —Ne yáawaiyi numá irrú, jiníwita Israel rícu nuíinuni nácu éebiderri wérri léjta liáni washiálicuerrica.

Lucas 7:9 Iomraidhean Croise

Mateo 15:28

Néenee Jesús ma rulí: —¡Íinetoo, máanui wérri liá'a jéebidauca! Liméda jirrú léjta jiwówauca. Liyáalimi rumíyacaula ruá'a íinetooca sáica jíni.

Mateo 8:10

Jesús nísa'inaa léemiqui jíni, néenee licáarrudau léemiqui jíni sáicta liwówa lécchoo, limá'ee nalí náa'a máinecoo liájcha: —Yáawaiyii numá irrú, jiní nuíinuni nácu náa'a israelítabinica, báawita bácairrimi, éebiderri'inaa nunácu, léjta liáni washiálicuerri.

Mateo 9:33

Ne liyáalimi Jesús jéda'inaa demonio, liá'a jócaimi éewa litáaniaca, jáiwa litáania. Náa'a chóniwenaica nacáarruda'eewoo, namá'ee: —¡Jócai wacába cáji líta'aa liéni Israel shínaa cáinabica chái cábacanaa jí'i!

Lucas 7:10

Quéecha'inaami néejoocoo cuíta néerra, náa'a libánuanimica náiinu linácu liá'a cashírruedacaica, jái sáicacai.

Lucas 7:50

Ne Jesús má'ee mawí, rulí ruá'a íinetooca: —Jéebidacala jiyá'au jíconaa méetuacuwai; jiáu chaiwíteemija'a.

Lucas 7:8

Jiníwata nuyá jájiu yáairri nuwánacaala nácu lécchoo, liyáalimi lécchoo nuwáalia náa'a soldado nuwánacaalaninica. Jáicta numá néenaa báqueerrirrui jiáyu, arrúnaa liácoo; jáicta numá báqueerrirrui jíinuu, arrúnaa líinuca; ya jáicta nubánua nushínaa shírruederri nulí liméda nuwánacaala, jái liméda jíni.”