Lucas 2:10 - Liáꞌa Chuánshi Dios Shínaa

¹⁰ Ne ángel ma nalí: “Ocáarru iyá, nuínda irrú áabai chuánshi sáicai, quéewique'e sáicta wéerri iwówai quinínama chóniwenai.

Lucas 2:10 Iomraidhean Croise

Mateo 14:27

Ne Jesús táania nalí, limá'ee: —¡Ya iwówau cadánani, nuyácani, ucáarru iyá!

Mateo 28:18

Jesús rúniu nalí ya limá'ee: —Dios yáa nulí quinínama lidánaniyu áacairra ya cáinabi íta'aa.

Mateo 28:5

Liá'a ángel limá nalí náa'a íinaca: —O'icáarrudau iyá. Nuá léenaa imúrru imácoo Jesús, liá'a natáatanimi cruz nácu.

Marcos 1:15

Jesús má'ee chóniwenairru: “Jái íinucai liá'a léerdica, ya liá'a Dios wánacaalauca urrúnii. Éejoo Diosru ya irríshibia éebidayu liá'a sáicai chuánshica”.

Marcos 16:15

Néenee limá nalí: “Yáau quinínama cáinabi íiwa liáni chuánshica wásedeerri'inaa quinínamarru.

Lucas 1:13

Ne ángel má'ee lirrú: —Zacarías, ocáarru jiyá, jiníwata Dios éemerri jisátau'u liúcha, ya ruá'a jíinu Isabelca wáaleecho'inaa rucúuleu, jáicta samálita jiáujoo jiáni'inaa jí'inaa Juan.

Lucas 1:19

Ángel éeba'ee lichuáni: —Nuyá Gabriel ya nutráawajaa Diosru; liyá bánuerri nuyá nutáaniaque'e jiájcha, ya nuíiwa jirrú liáni sáicai chuánshica.

Lucas 1:30

Néenee liá'a ángel ma rulí: —Ocáarru jiyá, María, níwata Dios wówairri liméda jirrú sáicai.

Lucas 2:11

Wáalee lijiáu irrú, David shínaa chacáalee rícu jí'ineerri Belén, báqueerri cawásedacai iyá cáarrunatai ijíconaa yúchau, Iwácali Cristo'inaaca.

Lucas 24:47

Nují'inaa nácu, ya Jerusalén néenee, arrúnaa íiwa quinínama cáinabi néejuedaque'e nawíteu Diosru, quéewique'e liméetua najíconaa.

Lucas 8:1

Liáwinaami liéni, Jesús jínaniu íchaba chacáalee rícu ya náa'a júbininica, lichánau léewidaca ya líiwadeda Dios wánacaalactaca. Náa'a doce apóstolu natálideda liyá.

Hechos 13:32

“Ne cháwa wayá índenai wayá irrú liáni sáicai chuánshica: Liá'a Dios máni nácucha nalí náa'a wawérrinaimica,

Efesios 3:8

Áawita nuyá mawéni mawí Diosru náucha náa'a quinínama chóniwenai Dios shínaa, liyúda nuyá nuéewaque'e nuíiwadeda nalí náa'a jócani judío liáni chuánshi sáicaica cawénii wérrica Cristo shínaa.