Pagpakatu'an 8:13 - I Baha'o Kasuratan

¹³ Si pagparabuslung-ko pa sito, aniya' sapakalihan-ko adda agila nga agparapahalling makusog si pagparalayug-layug-na, “Mga papabidu'on! Mga papabidu'on! Mga papabidu'on gayod i magpangistar si kalibutan tungod si tihinabo' pa kon anando i mga trumpita nga tiriyupun-na si tallungan ro pa mga anghel!”

Pagpakatu'an 8:13 Iomraidhean Croise

Hebro 1:14

Ma'in ba' nga i mga anghel mga rilihug-lihugon espirito nga nagpamabawa pagpanginano si kinahanglanun-na si mga papa'angkunon si katalwasan?

Pagpakatu'an 11:14

Palihis na i kaduwa karabidu'an, kundi' titakka na liwat i katallo.

Pagpakatu'an 12:12

Sanglit aglipaya kam mga satu'oy to si kalangitan! Agrayhaka kam dimu'an magpangistar to ato! Pero papabidu'on kam mga sana'an nan si kalibutan pati' si kalawot, kay awinan pan hawod si Satanas paghuwang si ka'am! Bali na kasina-nay nan kay akatu'anan iya nga ma'in na maliyat i uras-na.”

Pagpakatu'an 14:3

Kata'ud-ta'uran, agbungyuranan-na sinan mga a'a i mga sapamati'an-na pina'agi si baha'o kanta atubang si truno pati' atubang si ampat mga allom hinimu-na si Diyos hasta si mga mahanak si pagtu'o. Gana' gayod makakaya pagkanta sito kon ma'in hamok i 144,000 magkarulukat tikang si kalibutan.

Pagpakatu'an 14:6

Katapos aniya' namay sakulawan-ko anghel nga agparalayug-layog. Agbaway to si mahalap sumat nga gana' pagliliwatun-na basi' sapasamwak-na si mga magpangistar si kalibutan, si kada nasyon, pamilya, linggwahi pati' ka'aha'an.

Pagpakatu'an 19:17

Mangno aniya' sakulawan-ko anghel nga agparatutunggo ari si allaw nga agparapaman'u-na i dimu'an mga kamanuk-manukan nga agparapanlayug-layog, “Tuwa kam! Agtiripuna kam basi' agpakatambong kam si mahaya kumbiti tirimahun-na si Diyos

Pagpakatu'an 3:10

Tungod si pagsarig-bi si mandu'-ko pag'ilob bawa i malanga pagpaturos, pasarig-ko may liwat kam kon anakka i mga pagpurbar si pagtu'u-bi nga sigurado sa'abat-na si bug'os kalibutan basi' kapurbaran i mga magpangistar anan.

Pagpakatu'an 8:2

Mangno aniya' sakulawan-ko pitungan anghel magtutunggo atubang si Diyos ngan aniya' may pito' mga trumpita nagparu'do' si mga iya.

Pagpakatu'an 9:1

Pakapatandu-na si kalimangan anghel, aniya' sakulawan-ko bitu'on nga ataktak pan kalibutan. Nagpumwan si bitu'on i lyabi pangngabri si Buhon nga gana' salad-na.

Pagpakatu'an 9:12

Palihis na i primiro karabidu'an, kundi' aniya' pa duwa nga titakka.