Pagpakatu'an 8:12 - I Baha'o Kasuratan

¹² Pakapatandu-na si kapatangan anghel, aniya' dayon mangigo' si katallo parti si allaw, si katallo parti si bulan bawa na i katallo parti si kada bitu'on. Tungod sinan, anlu'om i katallo mga parti-na sito hasta nga gana' gayod danta' si katallo parti kon allaw pati' si katallo parti si kasangumon.

Pagpakatu'an 8:12 Iomraidhean Croise

Mateo 24:29

“Si katapus-na dayon si mga kakurihan-na sinan mga allaw, anlu'om i allaw ngan ga'i amuwan i bulan si danta'-na. Agkataraktak i mga bitu'on tikang si langit ngan agpamalisa i dimu'an gamhanan ari si mga ararupan-na.

Mateo 27:45

Ngan ka'amudtuhan, anlu'om i bug'os pitak palibot ari mga tallo uras.

Markos 13:24

“Si mga allaw pakatapus-na sinan mga kakurihan, anlu'om i allaw ngan ga'i amuwan i bulan si danta'-na.

Markos 15:33

Ngan ka'amudtuhan, anlu'om i bug'os pitak palibot ari mga tallo uras.

Lukas 21:25

“Aniya' mga pangngilalahan si langitnon kasiguruhan nga kinakulawan si allaw, si bulan pati' si mga bitu'on. Ato si kalibutan, agsakit i mga nasyon ngan agkabururong tungod si hinagashas-na pati' binuk'ay-na si mamahaya alon.

Mga Buhat 2:20

Ga'i na andanta' i allaw ngan i bulan agpiyatan pariho si laha'. Himu-koy to antis anakka i bali kapambihira ngan maka'angayan allaw nga aniya' impurtanti buruhatun-na si Paragdalom.

2 Corinto 4:4

I mag'isisiyo si pagkadiyus-na si Diyos si ina'anto panahon, iya i magtambon si isip-na si mga a'a nga agdiri' pagtutu'o si ungod Diyos, basi' ga'i mga iya sakulawan-na i danta'-na si mahalap sumat nga iya i pagpakatu'an si maka'angayan kina'iya-na si Kristo. Si Kristo, iya i kinakulawan nga irog si kina'iya-na Diyos.

Pagpakatu'an 12:4

Agkabhig-na si ingku-na i katallo parti si mga bitu'on ngan agpanaktak-nay to pan kalibutan. Anunggo iya atubang si tikaka'alluman basi' sahaklab-na diritso i dadi' si pagguwa'-na.

Pagpakatu'an 16:10

Mangno agpatumpa-na si kalimangan anghel i mangku'-na si trunu-na si makangingirhat hayop ngan anlu'om dayon i ginhadi'an-na. Agkutkutan-na si mga a'a i mga dalla'-na tungod si ura-ura kasakitan nag'antus-na mga iya

Pagpakatu'an 6:12

Katapos agparamasiran-ko gayod iya si pangala'-na si ka'annom silyo. Aniya' ma'abat dayon bali kusog linog. Pahuway agsiga i allaw pariho kahirom si makatol nan sako nga hinimo tikang si barahibu-na si kanding ngan amiyat i kulur-na si kadayaw bulan pariho si laha'.

Pagpakatu'an 9:15

Sanglit agbak'aran-na i patangan anghel nga nagtagama para si katuyu'an-na sito ta'on, sito bulan, sito allaw, mismo sito gayod ka'urason, pagmatay si katallo parti si mga ka'aha'an.

Pagpakatu'an 9:18

Agkamaratay i tallo parti si ka'aha'an pina'agi si talloy to mammimirwisyo: I api, i humbo pati' i asupri nga paguwa' tikang si mga bawa'-na.