Pagpakatu'an 6:17 - I Baha'o Kasuratan

¹⁷ Kay anakka na i makangingirhat allaw si pagkastigu-na mga iya, ngan gana' mangagwanta sito.”

Pagpakatu'an 6:17 Iomraidhean Croise

Lukas 21:36

Lugod, agbantaya kam pirmi huwang i pagpangadyi' nga aniya' kusug-bi paglahos si dimu'an titakkay ro hinabo' ngan basi' akatunggo kam atubang si Pinili' A'a.”

Roma 2:5

Pero tungod si kakudat-na si mga takuluk-bi nga ga'i kam agkatara'o pagbasol, ka'am mismo i magparatipon si kastigo para si kalugaringun-bi kon anakka i allaw si pagkastigu-na si Diyos, si uras nga pinakatu'an na i matadong paghusgar.

Judas 1:6

Hasta liwat i mga anghel nga ga'i agpakatuman si mga gamhanan kamngdanan-na kundi' pama'amban dina si mga kalugaringun-na pangngingistaran, agpangadinahan-na ari si kalu'uman basi' ga'i mga iya agpakakiwa myintras agparapangantahak si paghusgar si mga iya si makangingirhat allaw.

Pagpakatu'an 11:18

Maliyat na agkasirina i mga nasyon, sanglit paluwa' ina'anto i kastigu-mo. Anakka na i uras si paghusgar-mo si mga magkamaratay na, pati' i pagprimyu-mo si mga rilihugun-mo nga mga paragsumat. Pririmyuhan i dimu'an nagtagama paghuwang si ka'aw nga mga magpantahod si arun-mo, bisan kon bantugan to o ma'in. Kundi' maratayon nga bulag si ka'aw i mga magparapabulag si mga a'a si kalibutan para agtatala si ka'aw.”

Pagpakatu'an 16:14

Mga iya i mga mara'at espirito nga sigi panhimo si mga pangngilalahan si langitnon kuno' kasiguruhan ngan nagpanlihog pagtipon si mga kahadi'-hadi'an tikang si bug'os kalibutan basi' agkabiriyo' pag'andam si girirra kon anakka na i makangingirhat allaw nga dati nagtagama-na si Diyos Makagagahom.