Pagpakatu'an 18:20 - I Baha'o Kasuratan

²⁰ Mangno aniya' kinabati'an manupla, “Aglipaya kam mga sana'an nan si kalangitan tungod si mahinabo' si iya! Aglipaya kam mga nagpanagamay nan paghuwang si Diyos, mga apostol nan pati' mga paragsumat nan! Aghusgaran-na na iya si Diyos sigon si pagtratar-na may si ka'am.”

Pagpakatu'an 18:20 Iomraidhean Croise

Efeso 2:20

Yaynan panimalay nagpasumpay si pundasyon nga iya mismo i mga apostol pati' mga paragsumat-na si Diyos ngan i bato anan si kanto nga nag'alagad-na mga iya, iya si Kristo Jesus.

Efeso 3:5

Ga'i to nagpasayod si mga a'a siray mga kapanahunan pero nagpasayod nayto ina'anto pina'agi si Espirito pada'iray si mga apostol pati' mga paragsumat-na si Diyos nga nagtagama pagsirbi si iya.

Efeso 4:11

Iya i magbuwan sinan mga abilidad bilang rigalo. Aniya' magpakasirbi bilang apostol, aniya' may bilang paragsumat, aniya' bilang parapasamwak si ga'i pa magpanutu'o, ngan aniya' may bilang mangngataman nga paragturo' si magpanutu'o na.

2 Pedro 3:2

I karuyag-ko nga pirmi intum-bi i mga allingon siray mga panahon nga nagparapamahalling-na si mga sagrado paragsumat pati' i kasugu'an nagpumwan-na si Paragdalum-ta kam ngan Paragsalbar-ta kam pina'agi si mga apostol nga magparapamasamwak si ka'am nan.

Judas 1:17

Kundi' para namay si ka'am rnga hinigugma'-ko kumpaniya, i n t umu-bi kon ay i nagpakatu'an-na andang si ka'am siray si rnga apostul-na si Paragdalum-ta karn Jesu-Kristo.

Pagpakatu'an 12:12

Sanglit aglipaya kam mga satu'oy to si kalangitan! Agrayhaka kam dimu'an magpangistar to ato! Pero papabidu'on kam mga sana'an nan si kalibutan pati' si kalawot, kay awinan pan hawod si Satanas paghuwang si ka'am! Bali na kasina-nay nan kay akatu'anan iya nga ma'in na maliyat i uras-na.”

Pagpakatu'an 18:6

Mangno diritso agtugon i busis si mga tikastigo, “Pabwiltahu-bi si iya i bisan ay nagpumwan-na, ngan bayari-bi dubli i mga nagbuhat-na may. Timplahi-bi iya dubli ka'ispiso si nagparaparu'du'-nay nan kupa.

Pagpakatu'an 6:10

Agpamahalling mga iya makusog, “Makagagahom Paragdalom, Sagrado ngan Ungod, ay pa i kaliyat-na si paghusgar-mo si mga magpangistar si kalibutan pagbulos si mga magparapa'awas si laha' kami'?”