Pagpakatu'an 18:16 - I Baha'o Kasuratan

¹⁶ bawa i pagturakaw, “Papabidu'on kaw! Papabidu'on gayod i bantugan syudad, nga disalin si mga mahalap sida panapton pati' si mga hadi'anon hiniro nga bali pagkapiyat pati' day igot, ngan tambon si mga magpanbitay-bitay bulawan, mga mahal bato pati' pirlas!

Pagpakatu'an 18:16 Iomraidhean Croise

Pagpakatu'an 17:3

Katapos agdaluman-na ako si Espirito basi' sabawa-na ako si anghel pan disyirto. Ari sakulawan-ko i danda nga agkabayo si makangingirhat hayop nga bali pagkapiyat i kulur-na ngan panno' si mga pala'in-la'in aron nga agpapalabaw si Diyos. Aniya' sito pito' takuluk-na ngan awatong sungay-na.

Pagpakatu'an 17:4

I danda may disalin si hadi'anon panapton nga bali pagkapiyat pati' day igot ngan tambon to si mga magpanbitay-bitay bulawan, mga mahal bato pati' pirlas. Aniya' sito nag'antanan-na bulawan kupa nga panno' si mga makasusulya' inanna' pati' i mga rigsok si pagparapakihuwang-na si mga diyus-na.

Pagpakatu'an 18:18

Si pakakulaw-na mga iya si humbu-na si api magtubod si iya, agpakaturakaw mga iya, “Aniya' pa ba' la'in syudad nga akapariho kabantugan sinan syudad?”

Pagpakatu'an 18:19

Dungan si pagparapandinamag-na pati' si pagkabiridu'-na, agpanganna' mga iya agbon si mga takuluk-na ngan agparapanurakaw, “Papabidu'on kaw! Papabidu'on gayod i bantugan syudad, kon singnga agpanyaman i dimu'an nga aniya' paraw-na tungod si nagparapansakada si iya! Sallod si un'ura hamok, arumpag iya!”