Pagpakatu'an 17:16 - I Baha'o Kasuratan

¹⁶ Karasinahan i magparapabayad danda si sakulawan-moy nan makangingirhat hayop ngan da'inan may liwat si awatong mga sungay. Siyu-na mga iya i dimu'an inanna'-na sinan ngan ambanan-nay nan mga iya nga gana' gayod sul'ut-na. Kakan-na mga iya i isi-na ngan pabar'ug-na.

Pagpakatu'an 17:16 Iomraidhean Croise

Pagpakatu'an 12:3

Mangno aniya' liwat paluwa' la'in pangngilalahan nga kinakulawan si langit. Adday to bali haya piyat bibura nga pito' i takuluk-na, awatong i sungay-na ngan aniya' kuruna-na i kada takulok.

Pagpakatu'an 16:12

Katapos agpatumpa-na namay si ka'annumangan anghel i mangku'-na si mahaway suba' Eufrates ngan ahubas dayon i buwahi'-na pag'andam si aragihan-na si mga hadi' tikang si sirangan.

Pagpakatu'an 17:10

Mga iya liwat i pitungan mga hadi'. I limangan si mga iya agkamaratay na, i addangan aghadi' pa, ngan i addangan may ga'i pa anakka. Pero si panakka-na, kinahanglan iya aghadi' bisan kali'-kali' hamok.

Pagpakatu'an 18:19

Dungan si pagparapandinamag-na pati' si pagkabiridu'-na, agpanganna' mga iya agbon si mga takuluk-na ngan agparapanurakaw, “Papabidu'on kaw! Papabidu'on gayod i bantugan syudad, kon singnga agpanyaman i dimu'an nga aniya' paraw-na tungod si nagparapansakada si iya! Sallod si un'ura hamok, arumpag iya!”

Pagpakatu'an 18:8

Sanglit igu'-na iya si mga mammimirwisyu-na adda allaw hamok: I kamatayon, i kabidu'an pati' i gutom. Api i manibos si iya, kay gamhanan i Paragdalom Diyos nga tihusgar si iya.”

Pagpakatu'an 19:18

kay ma'in na pira sakindahan-bi na i isi-na si mga hadi', si mga hiniral, si mga gamhanan, si mga kakabayuhan bawa i magpangabayo, pati' i isi-na si dimu'an mga a'a magin uripon o libri, bantugan o ma'in.”