Pagpakatu'an 15:3 - I Baha'o Kasuratan

³ ngan agkanta-na mga iya i kanta-na si Moises, i rilihugun-na si Diyos pati' i kanta-na si Nati Karniro, “Mga bantugan ngan mga urusahon i mga buhat-mo, Paragdalom Diyos nga Makagagahom. Matadong ngan ungod i mga pama'agi-mo, ka'aw nga Hadi' si dimu'an kapanahunan.

Pagpakatu'an 15:3 Iomraidhean Croise

Juan 1:17

Agpumwan-na si Diyos i bala'od pina'agi si Moises, pero i mapinalangga'on pagpanginano pati' i kamatu'uran paguwa' pina'agi si Jesu-Kristo.

1 Timoteo 1:17

Kon sugad, para si iya, i Hadi' nga agpadayon hasta si kahastahan, i gana' kamatayun-na, i ga'i kinakulawan, i adda hamok Diyos, papa'unrahan ngan darayawon hasta si kahastahan. Amen.

Hebro 3:5

Bilang paragsirbi nga huwang si mga ginsakupan-na si Diyos tangkod si Moises pagtistigos nga aniya' pa la'in titakka surumatun-na si Diyos.

Pagpakatu'an 1:8

Lingun-na si Paragdalom Diyos, “Ako i Alpha pati' i Omega, i Diyos ina'anto, ngan siray ngan hasta pa si mga titakka mga panahon, i Makagagahom.”

Pagpakatu'an 11:17

si pagpinugad, “Agpasalamat kami' si ka'aw, Paragdalom Diyos nga Makagagahom, i Diyos si ina'anto pati' si ngan siray, kay aggamit-mo na i pagkamakagagahum-mo ngan agtikang na kaw si paghadi'-mo.

Pagpakatu'an 14:3

Kata'ud-ta'uran, agbungyuranan-na sinan mga a'a i mga sapamati'an-na pina'agi si baha'o kanta atubang si truno pati' atubang si ampat mga allom hinimu-na si Diyos hasta si mga mahanak si pagtu'o. Gana' gayod makakaya pagkanta sito kon ma'in hamok i 144,000 magkarulukat tikang si kalibutan.

Pagpakatu'an 14:8

Mangno aniya' paluwa' anghel magbungyod si iya nga aminugad, “Arumpag na! Arumpag na i bantugan Babilonia, i magpa'inom si dimu'an pa mga nasyon si binu-na nga aka'aghat pag'irog si mga kinakapayan pag'intrimis si katangkud-na mga iya si Diyos.”

Pagpakatu'an 17:14

Makigirra mga iya kuntra si Nati Karniro, pero i Nati Karniro i magda'og tungod kay iya i Paragdalom si dimu'an mga paragdalom pati' i Hadi' si dimu'an mga hadi' nga aghuwang si iya i mga nagpangagda-na, nga mga pinili'-na ngan tangkod.”

Pagpakatu'an 19:16

Anan si pammakurumbut-na pati' si mga pa'a-na, aniya' nagpamarka da'ito sito:

Pagpakatu'an 19:2

Ungod ngan pantay i mga paghusgar-na. Agpatukan-na na i bantugan parapabayad danda. Iya i magparalilingo si kalibutan hasta nga agka'araghat pagparapakihuwang si mga diyus-na. Agbulus-na iya si Diyos tungod si pagparamatay-na si mga rilihugun-na.”

Pagpakatu'an 4:8

Kada adda sito, aniya' annom pakpak-na ngan panno' si mga mata, hasta pa i dilalum-na si mga pakpak-na. Allaw sangom gana' si mga iya huway-huwayay pagpahalling, “Diyusnon, diyusnon, diyusnon i Paragdalom Diyos nga Makagagahom. Diyos iya ngan siray, ina'anto, ngan hasta pa si mga titakka mga panahon.”