Pagpakatu'an 12:12 - I Baha'o Kasuratan

¹² Sanglit aglipaya kam mga satu'oy to si kalangitan! Agrayhaka kam dimu'an magpangistar to ato! Pero papabidu'on kam mga sana'an nan si kalibutan pati' si kalawot, kay awinan pan hawod si Satanas paghuwang si ka'am! Bali na kasina-nay nan kay akatu'anan iya nga ma'in na maliyat i uras-na.”

Pagpakatu'an 12:12 Iomraidhean Croise

Lukas 15:10

Sumatan-ta kam nga da'inan sinan i kalipayan-na si mga ginsakupan-na anghel si Diyos tungod si addangan makasasala' nga agbasol huwang si pagbag'o.”

Lukas 2:14

“Darayawon i Diyos ari si langit, ngan amurayaw i mga pinalangga'-na a'a ato si kalibutan nga magpalipay si iya.”

Hebro 10:37

Kay aka'anna' si Kasuratan i nagpahalling-na si Diyos nga ma'in na pira, “Titakka na i tipada'ito ngan ga'i iya ag'atraso.

2 Pedro 3:8

Kundi' para namay si ka'am mga hinigugma'-ko kumpaniya, dakam gayod agkalimuti-bi nga para si Ginu'o, i adda allaw akapariho si adda yukot ta'on, ngan i adda yukot ta'on akapariho hamok si adda allaw.

Pagpakatu'an 10:6

Agsumpa' iya bawa i pagsabi si arun-na si pirmi allom hasta si kahastahan, i maghimo si kalangitan bawa na i dimu'an magpanlutaw-lutaw si dyata', pati' si pitak bawa na i dimu'an mag'istar anan hasta si kalawot bawa na liwat i dimu'an magpangistar anan ngan aminugad, “Ga'i na gayod ag'atraso!

Pagpakatu'an 11:10

Agrayhak i dimu'an mag'istar si kalibutan ngan agburuwan-buwanay pa mga iya rigalo pagsilibrar si kamatayun-na si duwangan paragsumat-na si Diyos kay bali i pagkapasakit-na mga iya si mga a'a mag'istar si kalibutan.

Pagpakatu'an 11:14

Palihis na i kaduwa karabidu'an, kundi' titakka na liwat i katallo.

Pagpakatu'an 12:9

Nagtabrog pan hawod i gamhanan bibura, i sawa si ngan siray pa gayod mga panahon nga nagpara'arunan Satanas. Iya i maglilingo si mga a'a si bug'os kalibutan. Nagtabrog iya pan kalibutan hasta i mga ginsakupan-na mga anghel.

Pagpakatu'an 13:6

Sanglit agtikang to pagpalabaw si Diyos pati' pagparagutgot si arun-na hasta pa si nag'istaran-na bawa i mga magpangistar ari si langit.

Pagpakatu'an 18:20

Mangno aniya' kinabati'an manupla, “Aglipaya kam mga sana'an nan si kalangitan tungod si mahinabo' si iya! Aglipaya kam mga nagpanagamay nan paghuwang si Diyos, mga apostol nan pati' mga paragsumat nan! Aghusgaran-na na iya si Diyos sigon si pagtratar-na may si ka'am.”

Pagpakatu'an 8:13

Si pagparabuslung-ko pa sito, aniya' sapakalihan-ko adda agila nga agparapahalling makusog si pagparalayug-layug-na, “Mga papabidu'on! Mga papabidu'on! Mga papabidu'on gayod i magpangistar si kalibutan tungod si tihinabo' pa kon anando i mga trumpita nga tiriyupun-na si tallungan ro pa mga anghel!”

Pagpakatu'an 9:12

Palihis na i primiro karabidu'an, kundi' aniya' pa duwa nga titakka.