Pagpakatu'an 1:13 - I Baha'o Kasuratan

¹³ Ngan si tangnga'-na sinan mga pammatungtungan, aniya' addangan nga agkamayu'-mayo' si a'a. Disutana iya nga i paha-na bulawan bali pagkalambo yungod si suruk-suruk-na.

Pagpakatu'an 1:13 Iomraidhean Croise

Hebro 4:15

I gilalabawi paraghalad-ta ma'in pariho si ditangnga' nga ga'i ata'o pagpa'id si mga kaluyahan-ta. Lugod, ag'agi iya si kada pagparatintar pariho si dimu'an sa'agihan-ta kam pero ga'i iya abawa si pagsala'.

Pagpakatu'an 14:14

Si panili'-ko utro, aniya' namay sakulawan-ko mismo atubang si ako puti' panganod nga nagtingkulu'an si addangan nga agkamayu'-mayo' si a'a nga aniya' kuruna-na bulawan ngan aniya' nag'antanan-na matarom sanggot.

Pagpakatu'an 15:6

Mangno aniya' pitungan anghel pagawas si templo nga aniya' nagpamawa-na pito' may mga mammimirwisyo. Agpamado' mga iya si limpyado ngan bali pagbulangga'akan katsa nga i mga paha-na bulawan bali pagkalambo yungod si mga suruk-suruk-na.

Pagpakatu'an 2:1

“Tigsurat-koy to para si anghel magpanginano si manniniripon pag'ampo' si Efeso: Yayto i mga allingun-na si mag'antan si pito' bitu'on si kawanan tamburu'-na nga sigi pasa-pasa kon singnga i pito' pammatungtungan lampara nga mga bulawan: