Lukas 6:21 - I Baha'o Kasuratan

²¹ Mga malipayon kam mga lingantoy nan ina'anto, kay ka'am i papagustuhan. Mga malipayon kam mga masurub'on nan ina'anto, kay ka'am i papalaksihon.

Lukas 6:21 Iomraidhean Croise

Mateo 5:4

Mga malipayon i mga masurub'on, kay mga iya i mga rili'awon.

Mateo 5:6

Mga malipayon i mga linganto ngan mga uhaw si pagkamatadong, kay mga iya i papagustuhan.

Lukas 1:53

Agpakuntintu-na si mga kahalapan i mga anggana' pero agpapinda-na i mga mayaman nga gana' mga binawa-na.

Lukas 6:20

Anili' si Jesus si mga inadalan-na ngan aminugad, “Mga malipayon kam mga anggana' nan ina'anto, kay ka'am i magpakasakop si mga nagpanhadi'an-na si Diyos.

Lukas 6:22

Mga malipayon kam kon nagpanhumutan kam si a'a, kon nagsikway ngan nagparasamyangan hasta kon nagdiri' i pagka'a'a-bi, kay para si mga iya bali kam ra'at tungod si pagsunud-bi si Pinili' A'a.

Lukas 6:25

Mga papabidu'on kam mga magpakagustuhan nan ina'anto, kay ka'am i papalingantuhan. Mga papabidu'on kam mga magpanlaksi nan ina'anto, kay ka'am i papaluha'on.

Juan 11:35

Anuro' i luha'-na si Jesus.

Juan 4:10

Anaruman may si Jesus, “Kon katu'anan kaw hamok kunta' si nagparu'du'-na si Diyos rigalo ngan kon say magpalakoy to si ka'aw buwahi', sigurado ka'aw kunta' dina i mamalako si iya ngan i allom buwahi' i pinumwan-na si ka'aw.”

Juan 6:35

Sanglit agsumat si Jesus, “Ako i karakanon nga agbuwan kinabuhi'. Bisan say i padugok si ako gana' kalilingantuhun-na ngan bisan say i manutu'o si ako gana' ka'u'uhawun-na.

1 Corinto 4:11

Tubtob ina'anto mga ka'urason, padayon kami' ag'abat kalingantuhan pati' ka'uhawan, ruknit i mga panapton kami', nagparakastigo kami' ngan gana' mga pangngingistaran kami'.

2 Corinto 11:27

Agpadangga ako si pagpanginabuhi' ngan malabbat mga sangom nga gana' si ako purupaturihay. Aka'abat ako kalingantuhan pati' ka'uhawan ngan malabbat bisis nga gana' si ako kakan-kakanay. Hingato ako tinugnaw tungod si panahon pati' kay nagparahugkasan ako.

2 Corinto 12:10

Sanglit kuntinto ako si dimu'an magbuwan katumanan si mga karuyag-na si Kristo, bisan si mga kaluyahan-ko, si mga pagtamay si ako, si mga kasamukan-ko, si mga kakastiguhan-ko hasta si mga kakurihan-ko, kay kon maluya ako, si kamatu'uran, iya dina i uras nga paluwa' i kusog magpabaskog si ako.

2 Corinto 6:10

Kon nagkulawan, pariho kami' si mga masurub'on, pero si kamatu'uran mga malipayon dina i mga kasing-kasing kami'. Mga anggana' kami' si mga kalibutanon inanna' pero akabuwan kami' si espirituhanon kayamanan para si la'in. Anggana' kami' gayod, pero aniya' mga tawa' kami' si dimu'an nagkinahanglan kami'.

Santiago 1:12

Pero malipayon i a'a nga padayon pag'ilob tangnga' si mga pagpurbar, kay si pakalahus-na huwang i pag'alagad-na si iya si Diyos, sakarawat-na bilang primyo i kinabuhi' nga nagpasa'ad-na para si magpanhigugma' si iya.

Pagpakatu'an 21:3

Katapos akabati' ako makusog busis tikang si truno nga agpinugad, “Tikang ina'anto, ag'istar na i Diyos si ka'aha'an ngan agpadayon to pagpakihuwang si mga iya. Ahimo na mga iya nga mga ginsakupan-na ngan mismo i Diyos i magpaki'adda si mga iya ngan iya nayto i mga kalugaringun-na gayod Diyos.

Pagpakatu'an 7:16

Ga'i na mga iya agkaralinganto pa, ngan ga'i na liwat nag'uhaw utro. Ga'i na mga iya apa'i si panas-na si allaw, ni pangabat pa lanit si sirak-na.