Juan 9:1 - I Baha'o Kasuratan

¹ Si pagparalalangngan-na si Jesus, aniya' sakulawan-na lalla nga buta tikang pa si ka'allum-na.

Juan 9:1 Iomraidhean Croise

Mateo 20:30

Ari si bihing-na si tinampo, aniya' magparapaningkulo' duwangan buta. Ngan pakabati'-na mga iya nga tilabay kas Jesus, anurakaw mga iya pagban'o, “Paragdalom nga Dadi'-na si David, kalu'uyin kami'!”

Mateo 9:27

Si pagparalalangngan-na si Jesus tikang ari siray lugar, aniya' duwangan buta lalla nga agpamungyod si iya ngan sigi panurakaw, “Dadi'-na si David, kalu'uyin kami'!”

Markos 9:21

Agtilaw-na si Jesus i tatay, “Ay na i kaliyat-na si pagparada'itu-na sito?” Anaruman may to, “Tikang pa gayod si kadadi'-na.

Lukas 8:43

Aniya' danda ari nga agparalalaha' dusi na ta'on, pero gana' si iya makapahalap.

Juan 5:5

Addangan ari si mga iya nga trayntay utso anyos na i pag'antus-na si pangundi'an-na.

Juan 8:59

Tungod sinan agpangaddo' mga iya bato pagtalutog si iya, pero patago' dahulo si Jesus mangno pakawara' iya ari si hawan-na si templo.

Juan 9:2

Amatilaw i mga inadalan-na, “Rabbi, say may nan tawa' sala' kay a'allom iya dati buta? Sala'-na ba' nan o si mga mahanak-na?”

Mga Buhat 14:8

Ari si Listra aniya' addangan maglipag'ak nga ga'i gayod agamit i kitid-na tungod kay lulid iya tikang pa si paka'allum-na.

Mga Buhat 28:4

Ngan pakakulaw-na si mga taga sunsari'i nga agbiyat-biyat to, agsipurupinugaray mga iya, “Sigurado nga yayto a'a kriminal kay bisan kon asalbar iya ari si kalawot, ga'i iya agtugutan-na si Gaba' nga a'allom pa.”

Mga Buhat 4:22

I lalla may nga nagpasagha'-na si pambihira gahom, subra na kwarinta i idad-na.

Mga Buhat 9:33

Aniya' sabagatan-na irapa nag'arunan Eneas nga agparalibbak sallod si walo' na ta'on.