Juan 16:20 - I Baha'o Kasuratan

²⁰ Sumatan-ta kam si kamatu'uran, agpamanangis kam ngan agkabirido' pero i kalibutan agkalipay. Agkabirido' kam pero i kabidu'-bi akasalli'an kalipayan.

Juan 16:20 Iomraidhean Croise

Mateo 21:38

“Pero si pakakulaw-na si mga mangngataman si dadi', agsarabut-sabot mga iya, ‘Awira' i iridiro. Tuwa na kam, matay-ta kam iya basi' kita kam i makabawa si kayamanan-na.’

Mateo 5:4

Mga malipayon i mga masurub'on, kay mga iya i mga rili'awon.

Markos 14:72

Mismo siray uras kinabati'an i kaduwa tutturu'ok. Tungod sinan, sa'intuman-na dayon si Pedro i pinahallingan-na si Jesus: “Antis si kaduwa tutturu'ok, agdidiwaray na kaw dina sin tallo nga ga'i ako sakilala-mo,” ngan anhintak iya andinamag.

Markos 16:10

Agpada'iray-na i mga magpamaya' siray si Jesus nga agparapamanangis ngan agparapandinamag pa, ngan agpanumatan-na mga iya.

Lukas 22:45

Kahuman-na ag'ampo', pabwiltay to si mga iya ngan satakkahan-na nga agparapamaturi na dina tungod si mga kabidu'an-na.

Lukas 22:62

Mangno pagawas iya ngan ari agparadinamag makusog.

Lukas 23:27

Bali na labbat i magparapamurubungyod si iya, ngan aniya' mga danda magparapandinamag.

Lukas 24:17

Amatilaw to si mga iya, “Ay i nagparabagaw-bi si pagparalalangngan-bi?” Pahuway mga iya nga mga masurub'on.

Lukas 24:21

Tara' kay agla'om kami' nga iya i tilukat si mga a'a-na si Israel nga agpakalibri. Pwira pa liwat sinan, i katallo nayto allaw tikang si pakahinabu'-na ngan

Lukas 6:21

Mga malipayon kam mga lingantoy nan ina'anto, kay ka'am i papagustuhan. Mga malipayon kam mga masurub'on nan ina'anto, kay ka'am i papalaksihon.

Juan 16:33

“Agsumatan-ta kam sito basi' agpaka'angkon kam kamurayaw pagpaki'adda si ako. Ato si kalibutan palibot kam si mga kasakitan kundi' pabaskugu-bi i mga huna'-huna'-bi! Salupig-ko na i magpuno' ato si kalibutan.”

Juan 16:6

Lugod, panno' kam dina si kabido' tungod kay agsumatan-ta kam si mga titakka hinabo'.

Juan 20:20

Pakapahalling-na sinan, agpakulaw-na mga iya si tamburu'-na pati' si kagiliran-na. Bali i mga kalipayan-na si mga inadalan pakakulaw-na mga iya si Paragdalom.

Mga Buhat 5:41

Si pa'amban-na si mga apostol si kunsiho, mga malipayon mga iya kay si pangulawan-na si Jesus angay hamok si mga iya i pag'antos kamamalu'an tungod kay tangkod i pag'aku'-na mga iya si arun-na.

Roma 5:11

Ngan tamba pa sinan, sa'angkun-ta i kalipayan paghuwang si Diyos pina'agi si buhat-na si Paragdalum-ta kam Jesu-Kristo nga iya i magbuwan pa'agi nga agsiharalapay kita kam si Diyos.

2 Corinto 6:10

Kon nagkulawan, pariho kami' si mga masurub'on, pero si kamatu'uran mga malipayon dina i mga kasing-kasing kami'. Mga anggana' kami' si mga kalibutanon inanna' pero akabuwan kami' si espirituhanon kayamanan para si la'in. Anggana' kami' gayod, pero aniya' mga tawa' kami' si dimu'an nagkinahanglan kami'.

Galacia 5:22

Kundi', ari si nagbag'u-na kina'iya si Espirito, kina'anda'an i gugma', i ungod kalipayan, i kamurayaw, i malanga pagpaturos, i kadaluman, i pagkamatadong, i pagkatangkod,

1 Tesalonica 1:6

Bisan kon bali labbat i mga kasakitan inabat-bi, agpangirog kam gihapon si kami' pati' si Ginu'o ngan agkarawat-bi i sumat bawa i kalipayan nga nagpumwan-na si Espirito Santo.

Santiago 1:2

Mga kabugtu'an-ko si pagtu'o, kunta' agpara'isip kam si paluwa' kalipayan bisan sumiran kam ag'atubang si pala'in-la'in kakurihan

Judas 1:24

Dayaw-ta karn i Diyos! Iya i magpanginano si ka'am nga ga'i karn agparapamakasala' pati' i magbawa si ka'am nga rnga maka'angayan gayod atubang si iya, gana'. makabasol ngan bali kalipayan.

Pagpakatu'an 11:10

Agrayhak i dimu'an mag'istar si kalibutan ngan agburuwan-buwanay pa mga iya rigalo pagsilibrar si kamatayun-na si duwangan paragsumat-na si Diyos kay bali i pagkapasakit-na mga iya si mga a'a mag'istar si kalibutan.

Pagpakatu'an 18:7

Buwani-bi iya si mga kasakitan pati' si mga kabidu'an pariho kabuwat si mga nagparakarawat-na pagdayaw pati' si subra kapritsu-na. Yayto pirmi i nagparapahambug-na, ‘Agtingkulo' ako ato bilang rayna, ngan gana' makapinugad nga balo ako. Ga'i anakka si ako i kabidu'an bisan sumiran.’