Romba 3:11 - Gotna kundi

¹¹ Akwi du dakwa vékusékngapuk yate Gotna kundit wa kuk kwayéndakwa. Gorké mawulé yakwa du taakwa nak yamba te wa.

Gotna Kudi

¹¹ Akwi du taakwa kutdéngmarék yate de Gotna kudiké kuk kwayu. Gotké mawulé yakwa du taakwa las kaapuk radakwa.

Romba 3:11 Iomraidhean Croise

Matyu 13:19

Got néma du rate du dakwaké yékunmba véké yandékwa kundi, wani kundi du dakwa ras baka vékundakwa. Vékute de wani kundiké yamba yékunmba vékusékndakwe wa. Wani du dakwa wan yaambumba vaakérén wit sék pulak wa. De taale wani kundi yékunmba vékundakwa. Vékundaka Satan yaae wani kundi kéraae kure yéndékwa. Yéndéka wa wani kundiké yékéyaak yandakwa.

Romba 1:22

Yate wandakwa, “Némaamba muséké wa vékusék-nangwa.” Wunga wate wa waangété yandarén.

Romba 1:28

De wunga yate Gorké vékusékte dat kuk kwayéndaka Got det wa kuk kwayéndén. Kwayéndéka de deku kapérandi mawulé vékute kapérandi yapaté male wa yandakwa.

Romba 3:10

Wani kapérandi mawulé vékukwa du dakwaké Gotna nyéngaamba ani kundi wa kwaakwa: Yéku musé yakwa du taakwa nak yamba te wa. De akwi kapérandi musé wa yandakwa.

Romba 3:12

Akwi du dakwa Gorké yéndakwa yaambu wa yaasékandarén. Yaasékatake de akwi kapérandi musé yakwa du dakwa wa téndakwa. Du dakwa yéku musé yaké yamba mawulé yandakwe wa. Akwi du dakwa kapérandi musé yaké wa mawulé yandakwa.

Romba 8:7

Lambiyakngé yéndakwa yaambumba yétékwa du dakwaké wate ani muséké waak wa wawutén. De Got wan apakundi vékukapuk yandaka deku kapérandi mawulé deké apamama yandéka de Gotna maama wa téndakwa. De Got wan apakundi yékunmba vékuké yapatindakwa.

Taitus 3:3

Talimba nané Jisas Kraisna jémbaamba yaalakapuk ye kapérandi mawulé vékute, Gotna kundi vékukapuk yate, papukundi vékute, kapérandi musé yaténanén. Nana kapérandi mawulé vékute nana sépéké male vékulakananga késpulak nakpulak kapérandi musé wa nanat gin. Nané du dakwat yaavan kurké mawulé yananga nana mawulé deku muséké génén. De nanéké kalik yandaka nané deké kalik yananén.

1 Jon 5:20

Anga wa vékuséknangwa. Gotna nyaan Jisas wa gaayandén. Gaaye nanat yéku mawulé tiyaandén, Gorké yékunmba vékusék-nanénngé. Got dékét déku kapmang wa nana néma du randékwa. Nak néma du dé pulak nak yamba re wa. Nané déku nyaan Jisas Kraisale nakurakmawulé yate dale waak nakurakmawulé yate a yaténangwa. Wan néma du Got wa randékwa. Dékét déku kapmang wa nanat kulémawulé tiyaandékwa, nané apapu yékunmba rapékananénngé.