Jisas Kraiské Mak viyaatakan kundi 1:2 - Gotna kundi

² Taale Gotna yémba kundi kwayétan du nak déku yé Aisaia Gotna nyéngaamba anga viyaatakandén: Got déku nyaanét anga wandén, “An wuna kundi kure yékwa du a. Wuné wawutu wa dé taale yéte ména yaambu kurkandékwa.”

Gotna Kudi

² Taale Gotna yéba kudi wakwen du nak déku yé Aisaia dé Gotna nyégaba kéga kavik: Got déku nyaanét dé wak, “Kén wuna kudi kure yékwa du. Wuné wawuru dé taale yéte ména yaabu kutké dé yo.”

Jisas Kraiské Mak viyaatakan kundi 1:2 Iomraidhean Croise

Matyu 11:10

“Jonngé ani kundi Gotna nyéngaamba wa kwaakwa: Got déku nyaanét wandén, ‘An wuna kundi kure yékwa du a. Wuné wawutu dé taale yéte ména yaambu kurkandékwa.’ Nané wani kundi véte anga vékuséknangwa. Jon wan Gotna kundi kure taale yaakwa du wa.

Matyu 2:5

Wunga wandéka dat wandarén, “Judiamba tékwa gaayé, Betlehemmba wa yaalakandékwa. Wani muséké talimba Gotna yémba kundi kwayétan du nak Gotna nyéngaamba Gotna kundi anga viyaatakandén:

Matyu 26:24

Wuné Duna Nyaan kiyaakawutékwa. Gotna nyéngaamba kiyaaké yawutékwanngé talimba kundi viyaatakandarén. Kiyaawutu kapérandi musé yaakandékwa, wuné maamasat kwayékwate yakwa duké. Wani du déku aasa dé kéraakapuk yamunaalu wan yékun yakatik.”

Matyu 26:31

Yaambumba yéte Jisas déku dunyansat wandén, “Bulaa gaan guné akwi wunat kuk kwayéte yaange yékangunéngwa. Wunga vékusékwutékwa. Yaange yékwate yangunéngwanngé Gotna kundi déku nyéngaamba anga wa kwaakwa: Wuné sipsipké séngite kaavérékwa duwat viyaawutu sipsip yaange yékandakwa.

Jisas Kraiské Luk viyaatakan kundi 1:70

Talimba Got wandéka déku yémba kundi kwayétan du ani kundi wandarén, “Nanéké kalik yakwa du nana maama waak nanat viyaandékngé mawulé yandaru Got kéraakandékwa nané déku taambamba.”

Jisas Kraiské Luk viyaatakan kundi 1:76

Wani kundi watake Sekaraia déku nyaanét anga wandén: Méné wuna nyaan, sérémaa du dakwa ménéké wakandakwa, “Néman Du Gotna yémba kundi kwayékwa du wa.” Naakandakwa. Méné taale yéte Néman Duna yaambu kutlaakét yéménu wunga wakandakwa.

Jisas Kraiské Luk viyaatakan kundi 18:31

Jisas déku dunyansé tambavétik maanmba kaayék vétik (12) det anga wandén, “Ma véku. Bulaa Jerusalemét waarénangwa. Waarénanu Gotna yémba kundi kwayétan du Duna Nyaan wunéké Gotna nyéngaamba viyaandarén kundi sékérék-ngandékwa. Yi wan wanana wa.