Jisas Kraiské Luk viyaatakan kundi 9:35 - Gotna kundi

³⁵ Yandaka kundi nak awula buwimba anga waan, “Wan wuna nyaan wa. Wuné dat wawutéka wa yéndén gunéké. Guné déku kundi ma véku.” Naandén.

Gotna Kudi

³⁵ Yadaka dé kudi nak wani buwiba gwaade dé wak, “Kén wuna nyaan. Wuné dérét wawurék dé gunéké yék. Guné déku kudi mé véknwu.”

Jisas Kraiské Luk viyaatakan kundi 9:35 Iomraidhean Croise

Matyu 3:17

Gaayandéka Gotna gaayémba waan kundi nak anga waandén, “An wuna nyaan wa. Déké wuné néma mawulé yawutékwa. Déké wuna mawulé yékun yandékwa.” Naandén.

Jisas Kraiské Mak viyaatakan kundi 1:11

Gaayandéka kundi nak Gotna gaayémba anga wan, “Méné wuna nyaan wa. Ménéké néma mawulé wa yawutékwa. Ménéké wuna mawulé yékun yandékwa.” Naandén.

Jisas Kraiské Luk viyaatakan kundi 9:34

Wunga waréndéka buwi nak taawe yaae det taakatépéndén. Yandéka wup yandarén.

Jisas Kraiské Jon viyaatakan kundi 12:28

Naatake Gorét anga wandén, “Aapa, méné waménu ména yé kavérék-ngandakwa.” Wunga wandéka ani kundi Gotna gaayémba gaayan anga: “Wuné wawutéka wuna yé wa kavérékndarén. Nakapuk wawutu kavérékngandakwa.”

Jisas Kraiské Jon viyaatakan kundi 3:16

Got ani képmaamba tékwa du dakwaké néma mawulé ye wa déku nakurak male nyaanét wandéka gaayandén. Wunga wandén, déku nyaanngé yékunmba vékulakakwa du dakwa kulémawulé kéraae dale yékunmba tépékaa-ndarénngé, apapu apapu. Katik lambiyakngé daré.

Yibruna 2:3

Déku kundi kure gaayakwa dunyan wan kundi vékukapuk yan du dakwat wunga yakatandénngé yénga pulak yaké dé, nana Néman Du Jisas Krais wan kundi vékukapuk yakwa du dakwat? Det némaanmba waarute yandarén kapérandi musé det némaanmba yakata-kandékwa. Nana Néman Du Jisas dunyansat taale wa wandén, Got det Satanna taambamba kéraaké yandékwanngé. Wandéka déku kundi vékwan du kukmba nanat anga wa wandarén, “Got nané Satanna taambamba kéraakandékwa. Yi wan wanana wa.” Wunga wandaka wani kundi sékérék-ndékwanngé wa vékuséknangwa.

Yibruna 3:15

Gotna nyéngaamba kwaakwa ani kundi gunat nakapuk wawutékwa: Got bulaa gunat kundi wandu, guné déku kundi ma yékunmba vékungunék. Déku kundiké kalik yaké yambak. Talimba guna gwaal waaranga maandéka bakamu de déku kundiké kalik yandarén. Yate déké kuk kwayéndarén. Guné de yan pulak yaké yambak. Wani kundi nané waak ma vékukwak.

Yibruna 5:9

Jisas Gotna kundi vékutake wunga wandén pulak yandéka Got dat wandén, “Ména jémbaa yékunmba yaménén. Yatake méné waménu, ména kundi vékute waménén pulak yakwa du dakwa yékunmba rapéka-kandakwa apapu apapu. Méné Melkisedek rakwa pulak, Gotna gaamba jémbaa yakwa akwi dunyanna néma du rakaménéngwa.” Got Jisasét wunga wandén.