Marcus 2:2 - Na Ċeiṫre Soisgéil agus Gníoṁarṫa na n-Aspol 1915 1921 (Peadar Ua Laoghaire)

² Agus do h-airiġeaḋ go raiḃ sé i dtiġ ann, agus do ċruinniġ a lán daoine ann, i dtreó ná raiḃ slíġ ḋóiḃ sa tiġ ná ag an ndorus féin, agus ḃí an briaṫar aige d’á laḃairt leó.

Na Ceiṫre Soiscéil agus Gníoṁarṫa na n-Abstal 1943 (Pádraig Mac Giolla Cheara)

² Agus ċualaṫas go raiḃ sé i dtiġ, agus ċruinniġ mórán le ċéile, ionnas naċ raiḃ áit fiú ag an doras, agus ġníoḋ sé an briaṫar a ṡeanmóir dóiḃ.

Tiomna Nua 1951 (de Siúnta)

² Agus do ċruinniġ a lán daoine le ċéile, i dtreo naċ raiḃ sliġe ḋóiḃ ann, ná i dtimċeall an dorais féin: agus do laḃair sé an briaṫar leo.

An Bíobla Naoṁṫa 1817 (Bedell)

² Agus ar an mball do ċruinníġeadar móran a gceann a ċéile, ionnas nar ṫuilleadar ann sna hionadaiḃ a dtimċeall ann doruis: agus do rinne sé an ḃriaṫar do ṡeanmóir ḋóiḃ.

Marcus 2:2 Iomraidhean Croise

Maitiú 5:2

Agus d’osgail sé a ḃéal agus do ṫeagaisg sé iad, agus duḃairt sé:

Marcus 1:14

Agus nuair a ḃí Eóin curṫa sa ṗríosún, ṫáinig Íosa isteaċ i nGaililí ag craoḃsgaoileaḋ soisgéil ríġeaċta Dé.

Marcus 1:33

Agus ḃí muintir an ḃaile go léir cruinniġṫe ag an ndorus;

Marcus 1:37

Agus nuair a fuaradar é duḃradar leis: Táid na daoine go léir at’ lorg.

Marcus 1:45

Aċ ċóṁ luaṫ agus ċuaiḋ seisean amaċ ḋíriġ sé ar an sgéal a ḋ’innsint agus do ċraoḃsgaoileaḋ, i dtreó nár ḟéad Íosa dul isteaċ go puibiliḋe sa ċaṫair, agus gur ḟan sé lasmuiġ ins na h-áiteanaiḃ uaigneaċa, agus gur ċruinniġ na daoine ċuige as gaċ áird.

Marcus 2:1

Agus i gcionn rainnt laeṫanta ṫáinig sé airís isteaċ i gCaṗarnaum.

Marcus 2:13

Agus d’imṫiġ sé amaċ airís ċun na faraige, agus do lean na daoine go léir é, agus ḃí sé ’ġá dteagasg.

Marcus 6:34

Agus ṫáinig Íosa amaċ agus ċonaic sé an tsluaġ ṁór, agus ṫáinig truaġ aige ḋóiḃ, óir ḃíodar mar ḃeaḋ caoire gan aoḋaire, agus ċrom sé ar a lán neiṫe ṫeagasg dóiḃ.

Lúcas 12:1

Agus nuair a ḃí sluaiġte móra ’n-a ṫímpal, i dtreó go raḃadar ag satailt ar a ċéile, do ṫusnuiġ sé ar a ráḋ le n-a ḋeisgiobuil; Seaċnaiḋ siḃ féin ar ġiost na ḃFairisíneaċ, an níḋ is cealgaireaċt.

Lúcas 5:17

Agus do ṫárla, lá, go raiḃ sé ’n-a ṡuiḋe ag teagasg. Agus ḃí na Fairisíniġ ’n-a suiḋe ann, agus doċtúirí na dliġe, a ḃí tagaiṫe ó gaċ baile i nGaililí agus i nIúdaéa agus ó Ierúsalem, agus ḃí cóṁaċt ó’n dTiġearna ag dul ċun a slánuiġṫe.

Lúcas 8:1

Agus do ṫárla, ’n-a ḋiaiḋ san, é féin a ḃeiṫ ag gaḃail tré ċaṫaraċaiḃ agus tré ḃailtiḃ, ag seanmóin agus ag craoḃsgaoileaḋ ríġeaċta Dé agus an dáréag i n-aonḟeaċt leis.

Lúcas 8:11

Sidí an tsoluíd. Isé briaṫar Dé an síol.

Gníoṁarṫa 11:19

Agus na daoine úd a sgaipeaḋ mar ġeall ar an dtrioblóid i dtaoḃ Stioṗain do siuḃladar ċóṁ fada le Ṗoenicé agus le Cuprus agus le h-Antioċ, gan an focal do laḃairt le h-aoinne aċ le Iúdaíġ aṁáin.

Gníoṁarṫa 14:25

Agus ċuadar as san go h-Antioċ, ar luing, an áit as an tugaḋ suas iad do ġrásta Dé ċun na h-oibre a ḃí críoċnuiġṫe acu.

Gníoṁarṫa 16:6

Agus nuair a ḃíodar ag gaḃáil tré ċríċ Ṗrigia agus Ġalatia do ċosg an Spioraid Naoṁ iad ar ḃriaṫar Dé do laḃairt i n-Asia.

Gníoṁarṫa 8:25

Agus ṫánadar-san tar n-ais go Ierúsalem, tar éis ḃriaṫar an Tiġearna do ḋearḃaḋ agus do laḃairt, agus ḋeineadar craoḃsgaoile tré n-a lán de ċríoċaiḃ na Samaritánaċ.