Zekaria 9:9 - An Bibel Kernewek 20234 (Kernewek Kemmyn)

⁹ Lowenha yn feur, myrgh Sion! Garm, myrgh Yerusalem! Awotta dha vyghtern a dheu dhis, gwiryon ha trygh, uvel hag ow marghogeth war asen, war ebel mab asen.

Zekaria 9:9 Iomraidhean Croise

1 Myghternedh 1:38

Ytho Sadok an oferyas, ha Nathan an profoes, ha Benaya mab Yehoyada, ha'n Kerethysi, ha'n Pelethysi, eth yn-nans, hag a settyas Solomon dhe varghogeth war vul myghtern Davydh, hag i a'n dros dhe Gihon.

Salmow 149:2

Gwres Ysrael lowenhe yn y Wrier; bedhes mebyon Sion heudhik yn aga Myghtern.

Salmow 2:6

‘My re worras ow myghtern war Sion, ow menydh sans.’

Salmow 45:1

Yma awen y'm kolonn ow tyghtya kan fin; my a gan ow ober gwrys rag an Myghtern; ow thaves yw pluvenn dhe skriba skentel.

Ysay 12:6

Garm ha kan yn lowen, annedhyas Sion, rag bras yw Sans Ysrael y'n kres ahanas.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Ysay 33:22

Rag an Arloedh yw agan breusyas, an Arloedh yw agan rewler, an Arloedh yw agan myghtern; Ev yth yw neb a wra agan sawya.

Ysay 40:9

Yskynn yn menydh ughel, A Sion, dyller nowodhow da; drehav dha lev gans nell, A Yerusalem, dyller nowodhow da; drehav e yn-bann heb own; lavar dhe sitys Yuda, ‘Otta dha Dhuw!’

Ysay 43:11

My, my yw an Arloedh, hag a-der my nyns eus selwyas.

Ysay 43:3

Rag yth ov an Arloedh, dha Dhuw, an Sans a Ysrael, dha Selwyas. Ejyp a rov avel dha dhaspren, Ethiopia ha Seba yn keschanj ragos.

Ysay 45:21

Dyllewgh ha profyewgh agas ken; omgusulyens i war-barth. Piw a dharleveris hemma nans yw pell? Piw a'n dhellos seuladhydh? A nyns o my, an Arloedh? Nyns eus Duw a-der my, Duw gwiryon ha Selwador, nyns eus nagonan a-der my.

Ysay 52:7

Ass yw teg war an menydhyow treys an gannas hag a dhre nowodhow da, neb a dhyllo kres ha derivas dader, neb a dhyllo selwyans; neb a lever dhe Sion, ‘Dha Dhuw a reyn.’

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Yeremia 30:9

Mes i a serv an Arloedh aga Duw ha Davydh aga myghtern, hag a dhrehevav ragdha.

Ezekiel 21:32

Y fydhydh keunys rag an tan, dha woes a vydh yn kres an tir; ny vydhydh kovhes na fella, rag my an Arloedh re gewsis.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Mika 4:8

Ha ty, A dour an para, an bre a vyrgh Sion, dhiso jy y teu: y teu dhis an henvestrynses, ruvaneth myrgh Yerusalem.

Mika 5:2

Ha ty, Bethlehem Efratha, byghan kynth os yn mysk teyluyow Yuda, yn-mes ahanas y teu dhymm nebonan a vydh rewler yn Ysrael, may feu y dhalleth a'n termyn koth, a dhydhyow pell tremenys.

Zekaria 2:10

Kan ha lowenha, A Vyrgh Sion, rag awotta, yth esov vy ow tos, ha my a wra triga y'th fysk, yn-medh an Arloedh.

Matthew 1:21

Ha hi a dhineyth mab, ha ty a'n henow Yesu; rag ev a saw y bobel dhiworth aga feghosow.’

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 2:2

ow leverel, ‘Ple'ma ev yw genys Myghtern an Yedhewon? Rag ni a welas y sterenn y'n howldrevel hag yth on ni devedhys dh'y wordhya.’

Mark 11:7

Hag i a dhros an ebel dhe Yesu, hag a dewlis aga mantelli warnodho; hag ev a esedhas warnodho.

Luk 24:27

Hag ow talleth gans Moyses hag oll an brofoesi ev a styryas dhedha pup-tra esa a-dro dhodho y honan yn oll an skryptors.

Yowann 1:49

Nathanael a worthybis dhodho, ‘Rabbi, ty yw Mab Duw, ty yw Myghtern Ysrael.’

Yowann 19:15

Ytho i a armas, ‘Kemmer e dhe-ves, kemmer e; krowsy e!’ Yn-medh Pilat dhedha, ‘A wrav vy krowsya agas myghtern?’ An bennoferysi a worthybis, ‘Nyns eus dhyn myghtern marnas Sesar.’

Breusysi 10:4

Ev a'n jevo deg mab warn ugens hag a varghoga war dheg asen warn ugens, hag yth esa dhedha deg tre warn ugens yn pow Gilead, ha henwys yth yns Havvoth-yair bys y'n jydh ma.