Zekaria 9:8 - An Bibel Kernewek 20234 (Kernewek Kemmyn)

⁸ My a wra kampya ryb ow chi avel gwithyas, ma na dremenno denvyth na dehweles. Ny dremen mester kethneth arta dresta, rag lemmyn my re welas gans ow dewlagas.

Zekaria 9:8 Iomraidhean Croise

2 Samuel 16:12

Martesen an Arloedh a wel ow galar hag attyli dhymm gans da yn le y volleth hedhyw.’

2 Myghternedh 19:34

My a vydh skoes dhe'n sita ma dh'y sawya a-barth dhymmo vy hag a-barth Davydh ow gwas.’

2 Myghternedh 23:29

Yn y dhydhyow, Faro Neko myghtern Ejyp eth yn-bann dhe weres myghtern Assyria orth avon Ewfrates. Myghtern Yosia eth dhe vetya orto yn batel; mes pan vetyas Faro Neko orto yn Megiddo, ev a'n ladhas.

2 Myghternedh 24:1

Yn y dhydhyow, Nebukadnessar myghtern Babylon a dheuth yn-bann, ha Yehoyakim eth ha bos y omajer dres teyr blydhen; ena ev a dreylyas ha rebellya er y bynn.

Salmow 34:7

El an Arloedh a gamp a-dro dhe'n re a berth own anodho hag ev a's delirv.

Salmow 72:4

Re vreusso ev an voghosogyon yn mysk an bobel, ha sawya mebyon an den edhommek, ha brewi an den a'm gwask.

Eksodus 3:7

Ena an Arloedh a leveris, ‘My re welas galar ow fobel usi yn Ejyp ha klewes aga kri drefenn aga mestrysi kethneth; aswonn a wrav aga galarow;

Eksodus 3:9

Ha lemmyn, otta, kri mebyon Ysrael re dheuth dhymm, ha my re welas an arwask mayth arwask an Ejyptianys warnedha.

Lavarow Koth 3:25

Na borth own a skruth distowgh, nag a dhiswrians a dheu war an debeles;

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 31:5

Avel ydhyn ow pargesi, yndella Arloedh an luyow a vydh skoes war Yerusalem; ev a vydh skoes dhedhi ha'y delivra, hy sparya ha'y sawya.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Ysay 52:1

Difun, difun, gwisk dha nerth, A Sion! Gwisk dha dhillas teg, A Yerusalem, an sita sans; rag ny enter ynnos na fella den antrodreghys nag avlan.

Ysay 52:12

Rag ny wrewgh dos yn-mes yn fysk ha ny wrewgh mos yn fo, rag an Arloedh a a-ragowgh, ha Duw Ysrael a vydh agas gwithyas-delergh.

Ysay 54:14

Fondys vydhydh yn ewnder; pell vydhydh dhiworth arwask, rag ny wredh perthi own; ha dhiworth euth, rag ny wra ev dos nes dhis.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 46:13

An ger a gewsis an Arloedh dhe Yeremia an profoes a-dro dhe dhevedhyans Nebukadnessar myghtern Babylon dhe weskel pow Ejyp:

Yeremia 46:2

A-dro dhe Ejyp, a-dro dhe lu Faro Neko, myghtern Ejyp, esa ryb an avon Ewfrates yn Karkemish hag a veu fethys gans Nebukadnessar myghtern Babylon y'n peswora blydhen a Yehoyakim mab Yosia myghtern Yuda:

Ezekiel 39:29

Ny gudhav ow fas arta dhiworta, rag my re dhiveris ow spyrys war ji Ysrael, yn-medh an Arloedh Duw.

Amos 9:15

My a wra aga flansa war aga thir, ha ny vydhons diwreydhys namoy dhiwar aga dor a res vy dhedha, yn-medh an Arloedh dha Dhuw.

Zekaria 12:4

Y'n jydh na, yn-medh an Arloedh, my a wra gweskel pub margh gans sowdhan, ha'y varghek gans muskokter. My a iger ow dewlagas orth chi Yuda, mes my a wra gweskel pub mergh a'n kenedhlow gans dellni.

Zekaria 12:8

Y'n jydh na an Arloedh a vydh skoes dhe drigoryon Yerusalem; ev neb yw difredh yn aga mysk an jydh na a vydh avel Davydh, ha chi Davydh a vydh avel Duw, avel el an Arloedh a-ragdha.

Zekaria 14:11

Tus a wra triga ynni; ny vydh nevra arta sakrys dhe dhistruyans, mes Yerusalem a wra triga yn sawder.

Zekaria 9:7

My a gemmer y woes yn-mes a'y anow, ha'y daklow kasadow dhiworth y dhyns; ev ynwedh a vydh remenant rag agan Duw, hag ev a vydh avel kordh yn Yuda, hag Ekron a vydh avel an Yebusysi.

Oberow 7:34

My re welas arwask ow fobel yn Ejyp, ha my re's klewas ow kyni, ha my re dheuth yn-nans rag aga sawya; lemmyn, deus, dha dhannvon dhe Ejyp a wrav.”

Diskwedhyans 20:9

Hag i a yskynnas war efander an nor hag a omsettyas a-dro dhe gaslys an syns, ha'n sita veurgerys; ha tan a dhiyskynnas yn-mes a nev ha'ga devorya.