Zekaria 9:11 - An Bibel Kernewek 20234 (Kernewek Kemmyn)

¹¹ Ha ty, drefenn goes dha gevambos, my a wra delivra dha brisnoryon mes a bytt heb dowr.

Zekaria 9:11 Iomraidhean Croise

2 Samuel 13:13

Ha my, ple hyllyn doen ow meth? Ha ty, ty a vydh avel onan a'n vilens yn Ysrael. Lemmyn, my a'th pys, kows dhe'n myghtern; rag ny nagh ev ow ri dhis.’

2 Kroniklys 7:17

Ha ty mar kerdhydh, par dell gerdhi dha das Davydh, ow kul herwydh pup-tra re worhemmynnis vy dhis, hag ow kwitha oll ow ordenansow ha'm breusow,

Job 33:30

rag dri y enev arta dhiworth an pytt, may hallo golow bewnans splanna warnodho.

Salmow 30:3

A Arloedh, ty re dhrehevis ow enev yn-bann dhiworth ifarn, ty re'm bewhas, ma na ylliv yn-nans dhe'n pytt.

Salmow 40:2

Hag ev a'm drehevis mes a'n pytt divlas, mes a'n pri leysek, ha gorra ow threys war garrek, ha fastya ow hammow.

Salmow 69:33

Rag an Arloedh a glew an re edhommek, ha ny dhispres ev an brisnoryon.

Eksodus 24:8

Ha Moyses a gemmeras an goes ha'y skoellya war an bobel, ow leverel, ‘Otta goes an kevambos gwrys genowgh gans an Arloedh herwydh oll an geryow ma.’

Ysay 24:22

I a vydh kuntellys war-barth avel prisnoryon yn pytt, deges yn dorvagh, ha wosa lies dydh i a vydh kessydhys.

Ysay 42:22

Mes homm yw pobel ledrys ha ravnys, i oll yw maglennys yn tell ha kudhys yn baghow; devedhys yns ha bos preydh heb denvyth dhe sawya, pyll heb denvyth dhe leverel ‘Daswra!’

Ysay 42:7

rag igeri an dhewlagas dhall, dhe dhoen yn-mes an brisnoryon a'n vagh, dhiworth an prison an re a esedh yn tewlder.

Ysay 49:9

rag leverel dhe'n brisnoryon, ‘Dewgh yn-mes’, dhe'n re usi yn tewlder, ‘Omdhiskwedhewgh!’ Peuri a wrons ryb an fordhow, war oll an ugheldiryow moel y fydh aga feurva.

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Ysay 58:12

Dha vagoryow koth a vydh dastrehevys; ty a dhassev an selyow a henedhow pals; ha ty a vydh gelwys dastrehevyer aswaow, ha restoryer stretys rag tus dhe driga ynna.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Yeremia 38:6

Ena i a gemmeras Yeremia ha'y dewlel yn dorvagh Malkia mab an myghtern esa yn klos an prison, owth iselhe Yeremia gans lovonow. Hag y'n dhorvagh nyns esa dowr, marnas leys, ha Yeremia a sedhas y'n leys.

Daniel 2:29

Dhiso, A vyghtern, y teuth prederow war dha weli a'n pyth a hwarva a-wosa, hag ev neb a dhiskudh kevrinyow re wrug orthis konvedhes pandr'a hwyrvydh.

Matthew 26:28

rag hemm yw ow goes a'n kevambos nowydh yw skoellys rag lies dhe dhehwelyans peghosow.

Mark 14:24

Hag ev a leveris dhedha, ‘Hemm yw ow goes a'n kevambos nowydh yw skoellys rag lies.

Luk 16:24

Hag ev a elwis ha leverel, “A Das Abraham, kemmer truedh ahanav ha dannvon Lazarus rag may trogghyo bleyn y vys yn dowr ha yeynhe ow thaves, rag tormentys ov y'n flamm ma.”

Luk 22:20

Hag yn keth vaner an hanaf wosa i dhe dhybri, ow leverel, ‘An hanaf ma yw an kevambos nowydh y'm goes vy, yw skoellys a-barth dhywgh.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

1 Korinthianys 11:25

Keffrys y'n keth vaner an hanaf, wosa soper, ow leverel, ‘An hanaf ma yw an kevambos nowydh y'm goes vy; gwrewgh hemma, peskweyth ma'n yffowgh, yn kovadh ahanav vy.’

Dewteronomi 5:31

Mes ty sav omma genev, may kowsav orthis oll an gorhemmynn, ha'n ordenansow ha'n breusow a dhyskydh dhedha, ma's kwrellons y'n tir a rov dhedha dh'y erita.’

Ebrowyon 10:2

Poken a ny wrussens hedhi a vos offrynnys? Mar pe glanhes an re ow kormel unnweyth rag oll, ny's tevia aswonnvos pegh.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Diskwedhyans 20:3

hag ev a's tewlys y'n pytt diwoeles hag a'n degeas, hag a worras sel warnodho, na doella an kenedhlow namoy bys pan vo an mil vlydhen kowlwrys. A-wosa y koedh dhodho bos delivrys berr dermyn.