Zekaria 8:12 - An Bibel Kernewek 20234 (Kernewek Kemmyn)

¹² An has a wra tevi yn kres, an gwinbrenn a re y frut, an tir a re y drevas, ha'n nevow a re aga gluth. My a re oll an taklow ma avel eretons rag remenant an bobel ma.

Zekaria 8:12 Iomraidhean Croise

Jenesis 26:12

Hag Ysak a hasas has y'n pow na ha kavoes kansplek y'n vlydhen na, ha'n Arloedh a'n bennigas.

Jenesis 27:28

Ha re rollo Duw dhis gluth nev ha feythter an dor ha palster a ys ha gwin.

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Salmow 85:12

Yn hwir an Arloedh a re dader, ha'gan tir a re y drevas.

Lavarow Koth 19:12

Konnar myghtern yw avel lew owth usa, mes y favour yw avel gluth war an gwels.

Ysay 30:23

Ev a re glaw rag dha has a hesydh y'n dor, ha bara, askorr an dor, a vydh tew ha pals. Y'n jydh na dha jatel a beur yn peurva efan;

Ysay 61:7

Yn le agas meth hwi a gyv dewblek, hag yn le despit i a lowenha yn aga rann; rakhenna i a erit dewblek yn aga thir, hag y fydh dhedha joy heb diwedh.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Ezekiel 34:28

Ny vydhons na fella preydh rag an kenedhlow, ha ny wra bestes an tir aga devorya; mes i a drig yn sawder ha nagonan ny worr own ynna.

Ezekiel 36:12

My a wra dhe dus kerdhes warnowgh, ow fobel Ysrael, hag i a wra dha berghenna, ha ty a vydh aga eretons, ha nevra namoy vydhydh orth aga gul anvap.

Ezekiel 36:30

My a voghha froeth an gwydh hag askorr an gwel, ma na berthowgh arta skorn an kenedhlow drefenn divoetter.

Ezekiel 36:9

Yth ov vy ragowgh, ha my a dreyl dhywgh, ha hwi a vydh gonedhys ha hesys.

Hosea 13:3

Rakhenna i a vydh avel kommolenn-vyttin, hag avel an gluth a dremen a-varr, hag avel us yw hwythys a leur-drushya gans an awel, hag avel mog a fenester.

Hosea 14:5

My a vydh avel an gluth dhe Ysrael; ev a wra bleujyowa avel an lili, ha dannvon y wreydh yn-nans kepar ha kederwydh Lebanon.

Yoel 2:19

An Arloedh a worthybis ha leverel dh'y bobel, Awotta, my a dhannvon dhywgh ys ha gwin hag oyl, ha lenwys vydhowgh gansa: ha nevra namoy ny rov dhywgh disenor yn mysk an kenedhlow.

Yoel 2:22

Na berthewgh own, hwi vestes an gwel: rag peurvaow an gwylvos yw gwyrdh; an wydhenn a dheg hy frut, an figbrenn ha'n gwinbrenn a re aga nerth.

Levitikus 26:3

Mar kerdhowgh war-lergh ow ordenansow ha gwitha ow gorhemmynnow ha'ga gul,

Sefania 3:13

Ny wra remenant Ysrael sherewneth, na leverel gowyow; na ny vydh taves fekyl kevys yn aga ganow; rag i a beur ha growedha, ha denvyth ny wra dhedha perthi own.

Haggay 1:10

Rakhenna an nev a-ughowgh a skon an gluth, ha'n dor y drevas.

Haggay 2:18

Prederewgh a-dhia'n jydh ma yn-rag, a-dhia'n peswora dydh warn ugens a'n nawves mis; a-dhia'n jydh may feu selys tempel an Arloedh, prederewgh!

Haggay 2:19

Usi an has y'n skiber hwath? Ha ny dhaskorras na hwath an gwinbrenn, an figbrenn, an greunaval na'n olewbrenn. Mes dhiworth an jydh ma my a'gas bennik.

Zekaria 8:6

Yndellma y lever Arloedh an luyow: Mars yw marthys yn dewlagas remenant an bobel y'n dydhyow ma, a vydh marthys ynwedh y'm dewlagas vy? yn-medh Arloedh an luyow.

Malaki 3:11

My a wra keredhi an hes a dhevor ragowgh hwi ma na dhistru an frut a'gas tir, ha'n gwinbrenn y'n gwel ny vydh heb frut, yn-medh Arloedh an luyow.

Matthew 6:33

Mes kyns oll hwilewgh gwlaskor Duw ha'y ewnder, hag oll an taklow ma a vydh res dhywgh maga ta.

1 Korinthianys 3:21

Ytho, nagonan na vostyes a-dro dhe dus. Pup-tra yw dhywgh hwi:

Dewteronomi 32:2

Ow dyskans a dhropp avel an glaw, ha'm lavar a dhever avel gluth, avel kowasow war aswels, hag avel glawas war losow.

Dewteronomi 33:13

Rag Yosep, y leveris: Bennigys gans an Arloedh yw y bow, gans gluth drudh an ebron, ha gans an downderyow ow krowedha a-woeles;

Dewteronomi 33:28

Ysrael a drig yn sawder; y honan oll yw fenten Yakob, yn tir a ys ha gwin nowydh, y nevow ynwedh a dhever gluth.

Jamys 3:18

Ha frut ewnder yw hesys yn kres rag an re a wra kres.