Zekaria 7:7 - An Bibel Kernewek 20234 (Kernewek Kemmyn)

⁷ A nyns yw an re ma an geryow a armas an Arloedh dre'n profoesi a-henys, pan veu Yerusalem annedhys ha kosel, ha'n trevow yn hy hyrghynn ha'n Negeb ha'n Shefela annedhys ynwedh?

Zekaria 7:7 Iomraidhean Croise

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 13:19

Sitys an Negeb a vydh deges, heb denvyth dh'aga igeri: Yuda a vydh degys dhe-ves yn divroedh, degys vydh yn tien yn divroedh.

Yeremia 17:26

Hag i a wra dos a-dhiworth sitys Yuda, ha'n tylleryow a-dro dhe Yerusalem, hag a-dhiworth tir Benyamin, ha'n Shefela, hag a'n vro venydhyek, hag a'n dhyghowbarth, ow tri offrynnow leskys, ha sakrifisow, hag offrynnow greun, ha frankynkys, hag ow tri sakrifisow gormel, bys yn chi an Arloedh.

Yeremia 22:21

My a gewsis er dha bynn y'th sewena, mes ty a leveris, ‘Ny woslowav.’ Hemma re beu dha fordh a'th yowynkneth, rag ny woslewsys orth ow lev.

Yeremia 32:44

Parkow a vydh prenys gans arghans, ha titlow a vydh sinys ha selys ha destys, yn pow Benyamin, y'n tylleryow a-dro dhe Yerusalem, hag yn sitys Yuda, hag yn sitys an vro venydhyek, hag yn sitys an Shefela hag yn sitys an Negeb; rag my a dreyl aga hethneth, yn-medh an Arloedh.

Yeremia 33:13

Yn sitys an vro venydhyek, hag yn sitys an Shefela, hag yn sitys an Negeb, yn pow Benyamin, hag y'n tylleryow a-dro dhe Yerusalem, hag yn sitys Yuda, an flokkys a dremen arta yn-dann leuv an den a's niver, yn-medh an Arloedh.

Yeremia 44:4

Mes my a dhannvonas dhywgh oll ow servysi an brofoesi, orth aga dannvon arta hag arta, ow leverel, ‘My a'gas pys ma na wrellowgh an dra euthyk ma hag yw kasadewder dhymm.’

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Yeremia 7:5

Rag mar kwellhowgh yn hwir agas fordhow ha'gas gwriansow; mar kwrewgh breusi yn hwir yntra gour ha'y gentrevek;

Zekaria 7:12

I a wrug aga holonn avel adamant rag na glewvens an lagha, na'n geryow a wrug Arloedh an luyow aga dannvon gans y Spyrys dre'n profoesi a-henys. Ytho sorr bras a dheuth dhiworth Arloedh an luyow.

Zekaria 7:6

Pan dhebrowgh hag eva, a ny dhebrowgh hag eva ragowgh hwi agas honan?

Zekaria 7:8

Ger an Arloedh a dheuth dhe Zekaria, ow leverel,

Dewteronomi 34:3

an Negeb ha'n plen a-dro dhe nans Yeriko, sita an palmwydh, bys yn Soar.