Zekaria 7:6 - An Bibel Kernewek 20234 (Kernewek Kemmyn)

⁶ Pan dhebrowgh hag eva, a ny dhebrowgh hag eva ragowgh hwi agas honan?

Zekaria 7:6 Iomraidhean Croise

1 Kroniklys 29:22

I a dhybris hag eva a-rag an Arloedh y'n jydh na gans lowena vras. Ena i a wrug Solomon mab Davydh myghtern rag an nessa treveth hag i a'n untyas avel rewler rag an Arloedh ha Sadok avel oferyas.

Ysay 43:23

Ny dhuges dhymm dha dheves rag offrynn leskys, na'm enora gans dha sakrifisow. Ny'th veghis gans offrynnow, na'th skwitha gans frankynkys.

Ysay 58:3

‘Prag y penyssyn, mes ny welsys? Prag yth uvelhasyn agan enev, mes ny wodhves?’ Otta, yn dydh agas penys hwi re gavas plesour, hag arwaska oll agas gweythoryon.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Zekaria 7:7

A nyns yw an re ma an geryow a armas an Arloedh dre'n profoesi a-henys, pan veu Yerusalem annedhys ha kosel, ha'n trevow yn hy hyrghynn ha'n Negeb ha'n Shefela annedhys ynwedh?

1 Korinthianys 10:31

Ytho, po dybri po eva a wrewgh, po pypynag a wrewgh, pup-tra dhe wordhyans Duw gwrewgh.

Dewteronomi 12:7

hag ena hwi a dheber a-rag an Arloedh agas Duw, ha lowenhe yn pup-tra may hworrowgh agas leuv warnodho, hwi ha'gas tiogethyow, may hwrug an Arloedh dha Dhuw dha venniga dredho.

Dewteronomi 14:26

Ty a spen an mona war-lergh oll desir dha enev, rag chatel, ha rag deves, ha rag gwin, ha rag korev, ha rag pynag a wovynno dha enev; ty a dheber ena a-rag an Arloedh dha Dhuw, ha lowenhe, ty ha'th teylu.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

1 Samuel 16:7

Mes yn-medh an Arloedh dhe Samuel, ‘Na vir war naneyl y semlans na hirder y gorf, drefenn my dh'y skonya; rag ny wra an Arloedh gweles kepar dell wel mab-den; rag mab-den a vir war an semlans, mes an Arloedh a vir war an golonn.’