Zekaria 7:3 - An Bibel Kernewek 20234 (Kernewek Kemmyn)

³ ow leverel dhe'n oferysi yn chi Arloedh an luyow ha dhe'n brofoesi, ‘A dalav galari ha gul penys y'n pympes mis, dell wren vy nans yw lies blydhen?’

Zekaria 7:3 Iomraidhean Croise

Ezra 3:10

Ha pan fondyas an weythoryon sel tempel an Arloedh, an oferysi yn aga dillas a dheuth yn-rag gans hirgern, ha'n Levysi mebyon Asaf gans symbalys, rag gormel an Arloedh, ow siwya kevarwoedhyans Davydh myghtern Ysrael.

Ekklesiastes 3:4

Prys dagrewi ha prys hwerthin; prys kyni ha prys donsya.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Yoel 2:17

Gwres an oferysi, menystrys an Arloedh, oela ynter an porth ha'n alter, ha leverens, ‘Spar, A Arloedh, dha bobel, ha na ro dha ertach yn disenor, ensampel dhe'n kenedhlow. Prag y leverons yn mysk an poblow, “Ple'ma aga Duw?” ’

Haggay 2:11

Yndellma y leveris an Arloedh: ‘Pys ervirans dhiworth an oferysi:

Zekaria 7:4

Ger Arloedh an luyow a dheuth dhymm, ow leverel,

Zekaria 7:5

Govynn oll pobel an tir ha'n oferysi: Pan wrussowgh penys ha galari y'n pympes ha seythves mis dres an deg blydhen ha tri-ugens eus passys, a veu ragov vy y hwrussowgh penys?

Zekaria 8:19

Yndellma y lever Arloedh an luyow: Penys an peswora mis, ha penys an seythves, ha penys an degves a vydh lowender ha heudhder ha kuntellesow hweg dhe ji Yuda. Ytho kerewgh gwiryonedh ha kres.

Malaki 2:7

Rag y koedh dhe dhiwweus an oferyas gwitha skians, hag y tal dhe dus hwilas dyskans a'y anow, drefenn y vos kannas Arloedh an luyow.

Matthew 9:15

Ha Yesu a leveris dhedha, ‘A yll kowetha an gour pries kyni hedre vo an gour pries gansa? Mes an dydhyow a dheu pan vydh an gour pries kemmerys dhiworta hag y'n eur na i a wra penys.

1 Korinthianys 7:5

Na skonyewgh an eyl orth y gila, marnas, martesen, der akordyans rag termyn, mayth omryllowgh hwi dhe bysadow; mes ena dewgh war-barth arta ma na'gas dynnyo Satnas der agas fowt omrewl.

Dewteronomi 33:10

I a dhysk dha vreusow dhe Yakob, ha'th lagha dhe Ysrael. I a worr ynkys y'th tewfrik, hag offrynn kowlleskys war dha alter.