Zekaria 7:13 - An Bibel Kernewek 20234 (Kernewek Kemmyn)

¹³ Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Zekaria 7:13 Iomraidhean Croise

Lavarow Koth 21:13

Neb a dhege y dhiwskovarn orth kri an boghosek, ev ynwedh a gri heb bos klewys.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Ysay 1:15

Pan ystynnowgh agas diwleuv, my a gudh ow dewlagas ragowgh; ynwedh pan wrewgh meur a bysadow, ny woslowav vy. Agas diwleuv yw leun a woes.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Yeremia 11:10

I re dreylyas war-dhelergh dhe dhrogober aga hendasow, a naghas klewes ow geryow; hag i eth war-lergh duwow erell dh'aga servya; chi Ysrael ha chi Yuda re dorras ow hevambos hag a wrug vy gans aga thasow.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 11:14

Ytho na wra pysi rag an bobel ma, na drehevel kri na pysadow ragdha: rag ny's klewav pan grions warnav yn termyn aga foenvos.

Yeremia 14:12

Pan wrons penys, ny glewav aga kri; ha pan offrons offrynn leskys hag offrynn greun, ny's degemmerav: mes my a's distru der an kledha, ha gans an divoetter, ha gans an pla.

Yeremia 14:2

Yuda a alar, divew yw hy yetow; esedhys yns war an dor yn galarwisk; ha kri Yerusalem res eth yn-bann.

Yeremia 7:27

Ytho ty a gews oll an geryow ma dhedha; mes ny wrons goslowes orthis: ty a elow dhedha; mes ny worthybons dhis.

Kynvannow 3:44

Ty re omwiskas gans kommolenn, ma na dremen pysadow vyth.

Ezekiel 14:3

Mab den, an wer ma re dhrehevis aga idolys yn aga holonnow, ha gorra aga anewnder a-ragdha avel ken a drebuchya. A wrav vy aga gasa dhe hwilas orthiv?

Ezekiel 20:3

Mab-den, kows dhe henavogyon Ysrael, ha lavar dhedha, Yndellma y lever an Arloedh Duw: Yw rag hwilas kusul ahanav y teuthewgh? Dell vewav, ny vynnav kusul dhe vos hwilys genowgh hwi, yn-medh an Arloedh Duw.

Ezekiel 8:18

Ytho my a ober yn sorr; ny gemmer ow lagas truedh na ny's sparyav. Kyn krions y'm diwskovarn gans lev ughel ny woslowav orta.’

Mika 3:4

Ena, i a gri dhe'n Arloedh mes ny wra ev gorthybi dhedha; ev a gudh y fas a-dhiworta an prys na, drefenn i dhe wul aga drog weythresow.

Luk 13:25

Wosa mester an chi dhe sevel hag alhwedha an daras, ena hwi a sev an tu a-ves ow knoukya war an daras ow leverel, “Arloedh, igor dhyn”, hag ev a worthyp dhywgh ow leverel, “Ny'gas aswonnav, a-ble owgh.”

Jamys 4:3

Hwi a wovynn heb degemmeres, rag hwi a gammwovynn, may hyllowgh spena, ow siwya agas hwansow.