Zekaria 6:5 - An Bibel Kernewek 20234 (Kernewek Kemmyn)

⁵ An el a worthybis dhymm, ‘An re ma yw an peswar gwyns a nev esa ow mos yn-mes dhiworth aga savla a-rag Arloedh oll an norvys.

Zekaria 6:5 Iomraidhean Croise

1 Myghternedh 19:11

Ev a leveris, ‘Ke ha sevel war an menydh a-rag an Arloedh, rag yma an Arloedh ow tremena.’ Gwyns krev a dheuth, ow folsa menydhyow ha terri kerrek dhe demmyn a-rag an Arloedh, mes nyns esa an Arloedh y'n gwyns; ha wosa an gwyns yth esa dorgrys, mes nyns esa an Arloedh y'n dorgrys;

1 Myghternedh 22:19

Ena Mikaya a leveris, ‘Ytho klew ger an Arloedh: My a welas an Arloedh esedhys war y dron, gans oll an lu nevek a'ga sav rybdho dhe'n dyghow ha dhe'n kledh.

Job 1:6

Yth esa dydh pan dheuth mebyon Duw dhe sevel a-dherag an Arloedh, ha Satnas a dheuth yn aga mysk ynwedh.

Salmow 148:8

tan ha keser, ergh ha niwlrew; gwyns hag annawel ow kewera y er;

Salmow 68:17

Charettow Duw yw ugens mil, ha milyow a vilyow; yma an Arloedh yn aga mysk, avel yn Sinay, y'n sentri.

Ysay 54:5

Rag dha Wrier yw dha wour pries, Arloedh an luyow yw y hanow; ha'n Sans a Ysrael yw dha Dhasprenyas, Duw an norvys oll y'n henwir.

Yeremia 49:36

ha my a dhre war Elam an peswar gwyns a beswar korn nev; ha my a's skatter dhe oll an gwynsow ma, ha ny vydh kenedhel vyth dhedhi ma na dheu dhodho fowesigyon Elam.

Ezekiel 11:22

Ena an cherubim a drehevis aga eskelli ha'ga rosow rybdha, hag yth esa glori Duw Ysrael warnedha a-wartha.

Ezekiel 37:9

Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Daniel 11:4

Ha kettell sev, y ruvaneth a vydh terrys ha rynnys dhe'n peswar gwyns a nev; ny vydh res dh'y dhiyskynnysi, na herwydh an galloes dredho may rewlyas ev, rag y ruvaneth a vydh diwreydhys, ha res dhe gen re.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Daniel 7:2

Daniel a leveris: My a welas y'm gwelesigeth y'n nos, hag ottena an peswar gwyns a nev ow kul freudh y'n mor bras;

Zekaria 4:10

Piw a fi an jydh a bythow byghan? I a wra lowenhe pan welons an plemmik yn leuv Zerubbabel. ‘An seyth ma yw lagasow an Arloedh a wander hys-ha-hys a-dro dhe'n nor.’

Zekaria 4:14

Ev a leveris dhymm, ‘An re ma yw an dhew untys a sev ryb Arloedh oll an norvys.’

Zekaria 6:1

Arta my a dhrehevis ow dewlagas ha mires, hag awotta peswar charett a dheuth yn-mes dhiworth an bolgh yntra dew venydh, ha'n menydhyow a veu menydhyow a vrons!

Matthew 18:10

‘Gwaytyewgh na wryllowgh dispresya onan a'n re vyghan ma; rag yn-medhav dhywgh bos aga eledh y'n nevow pup-prys ow mires war fas ow Thas eus y'n nevow.

Matthew 24:31

hag ev a dhannvon y eledh gans son bras a hirgorn, hag i a guntell war-barth y bobel dhewisys, yn-mes a'n peswar gwyns dhiworth a'n eyl penn a'n nevow dh'y gila.

Luk 1:19

Ha'n el a worthybis dhodho, ‘Gabriel ov vy, neb a sev a-rag Duw, ha dannvenys veuv dhe gewsel orthis, ha dhe dhri dhis an nowodhow da a hemma.

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 1:7

Hag a-dro dhe'n eledh y lever, ‘Neb a wra y eledh spyrysyon, ha'y venysters flammow tan.’

Yoshua 3:11

Otta, yma argh kevambos Arloedh oll an nor ow treusi a-dheragowgh y'n Yordan.

Diskwedhyans 7:1

Ha wosa hemma, my a welas peswar el ow sevel war an peswar korn a'n norvys, ow synsi peswar gwyns an norvys ma na hwyttha gwyns war an dor na war an mor, na war wydhenn vyth.