Zekaria 4:6 - An Bibel Kernewek 20234 (Kernewek Kemmyn)

⁶ Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Zekaria 4:6 Iomraidhean Croise

Jenesis 41:16

Yosep a worthybis Faro, ow leverel, ‘Duw, a-der my, a re dhe Faro gorthyp a gres.’

1 Myghternedh 19:12

ha wosa an dorgrys tan, mes nyns esa an Arloedh y'n tan; ha wosa an tan son taw pur.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

Ezra 2:2

I a dheuth gans Zerubbabel, Yeshua, Nehemia, Seraya, Reelaya, Mordekay, Bilshan, Mispar, Bigvay, Rehum, Baana. Niver gwer pobel Ysrael:

Ezra 3:10

Ha pan fondyas an weythoryon sel tempel an Arloedh, an oferysi yn aga dillas a dheuth yn-rag gans hirgern, ha'n Levysi mebyon Asaf gans symbalys, rag gormel an Arloedh, ow siwya kevarwoedhyans Davydh myghtern Ysrael.

Ezra 5:2

Ena Zerubbabel mab Shealtiel, ha Yeshua mab Yosadak a sevis, ha dalleth dastrehevel chi Duw usi yn Yerusalem: ha gansa yth esa brofoesi Duw, orth aga gweres.

Salmow 33:16

Nyns eus myghtern a allo bos selwys gans lu meur; nyns yw breselyas krev delivrys gans galloes meur.

Ekklesiastes 9:11

My a dreylyas dhe weles yn-dann an howl nag yw pup-prys an resegva gwaynys gans an re yw skav, ha nag yw pup-prys an gas gwaynys gans an re yw galloesek, ha nag eus bara dhe'n re yw fur, ha nag eus rychys dhe'n re yw skentel, ha nag eus gras dhe'n re yw sleygh, drefenn bos ha termyn ha chons ow hwarvos dhedha i oll.

Ysay 30:1

Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Ysay 32:15

erna vo an Spyrys dinewys warnedha a-wartha. Ena an gwylvos a vydh tir feyth, ha'n tir feyth a vydh synsys dhe vos koeswik.

Ysay 34:16

Hwithrewgh yn lyver an Arloedh ha lennewgh: ny fyll nagonan anedha, ny vydh nagonan heb hy hespar. Rag y anow re worhemmynnis, ha'y Spyrys a's kuntell war-barth.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Daniel 2:34

Ha ty ow mires, y feu treghys men yn-mes heb mayn a dhorn, hag a weskis an delow war y dhewdroes a horn hag a bri, ha'ga therri dhe demmyn.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Haggay 1:1

Y'n nessa blydhen a Darius an myghtern, y'n hweghves mis, yn kynsa dydh an mis y teuth ger an Arloedh der an profoes Haggay dhe Zerubbabel, mab Shealtiel, governour Yuda, ha dhe'n arghoferyas Yoshua, mab Yosedek, ow leverel,

Haggay 2:21

Lavar hemma dhe Zerubbabel, governour Yuda: My a wra an nevow ha'n norvys dhe grena;

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Niverow 27:16

‘Gas an Arloedh, Duw spyrysyon oll kig, dhe ordena gour a-ugh an kuntelles,

Efesianys 6:17

ha kemmerewgh an basnett a selwyans ha kledha an Spyrys, yw lavar Duw.

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Samuel 14:6

Yonathan a leveris dhe'n gour yowynk deger y arvow, ‘Deus, ha treusyn dhe savla-goelyadoryon an re antrodreghys; martesen y hwarvo an Arloedh dhe oberi ragon; rag nyns eus travyth a yll lettya an Arloedh rag ri trygh gans lies po gans nebes.’

1 Samuel 17:47

ha may hwodhvo oll an kuntelles na wra an Arloedh sawya dre gledha ha guw; rag yma an vatel dhe'n Arloedh hag ev a'th re yn agan leuv.’