Zekaria 4:2 - An Bibel Kernewek 20234 (Kernewek Kemmyn)

² Ev a leveris dhymm, ‘Pandr'a welydh?’ My a worthybis, ‘My a viras, hag otta kantoler gwrys oll yn tien a owr, ha bolla war y benn ha seyth lugarn warnodho, ha seyth pibenn dhe'n lugern usi war y benn.

Zekaria 4:2 Iomraidhean Croise

1 Kroniklys 28:15

an poes rag an golowbrennyer a owr ha'ga lugern a owr, gans poes an owr rag pub golowbrenn ha'ga lugern, ha poes an arghans rag an golowbrennyer a arghans ha'ga lugern war-lergh an devnydh a bub golowbrenn y'n servis;

2 Kroniklys 13:11

I a lesk dhe'n Arloedh pub myttin ha pub gorthugher offrynnow leskys hag ynkys hweg, hag araya bara an wolok war an voes lan, hag i a enow an lugern war an kantolbrenn a owr pub gorthugher. Yndella ni a with charj an Arloedh agan Duw, mes hwi re'n gasas.

2 Kroniklys 4:7

Ev a wrug deg kantolbrenn a owr herwydh an rewl, ha'ga gorra y'n tempel, pymp anedha dhe'n dhyghowbarth, ha pymp anedha dhe'n gledhbarth.

Ekklesiastes 12:6

kyns bos an gordenn arghansek treghys, ha'n bolla owrek terrys, ha'n pycher brewys ryb an fenten, ha'n ros dhowr terrys ryb an puth,

Yeremia 24:3

Ena an Arloedh a leveris dhymm, ‘Pandr'a welydh, Yeremia?’ Ha my a leveris, ‘Figys; an figys da, pur dha; ha'n re drog, pur dhrog, mar dhrog ma na yllens bos dybrys.’

Yeremia 52:19

Kapten an withysi a gemmeras an pojeryow ynwedh, an padellow-tan, an basonyow, an kalteryow, an golowbrennyer, ha'n bollow-offrynn, ha'n re owrek ha'n re arghansek.

Amos 7:8

Ha'n Arloedh a leveris dhymm, ‘Pandr'a welydh, Amos?’ Hag yn-medhav, ‘Plemmik.’ Ena an Arloedh a leveris, ‘Ottavy ow settya plemmik yn mysk ow fobel Ysrael; ny wrav aga sparya namoy.’

Zekaria 5:2

Ev a leveris dhymm, ‘Pandr'a welydh?’ My a worthybis, ‘My a wel rol-skrifa ow nija, ugens kevelin hy hys ha deg kevelin hy les.’

Diskwedhyans 1:12

Ha my a dreylyas dhe weles an lev esa ow kewsel genev ha wosa treylya, my a welas seyth kantoler owrek,

Diskwedhyans 1:20

Mysteri an seyth sterenn a welsys a dhyghow dhymm, ha'n seyth kantoler owrek: an seyth sterenn yw eledh an seyth eglos: ha'n seyth kantoler yw an seyth eglos.

Diskwedhyans 4:5

Hag yn-mes a'n tron y teuth lughesennow ha sonyow ha taranow yn-rag, hag yth esa seyth faglenn tan, yw seyth Spyrys Duw, ow leski a-dherag an tron;