Zekaria 3:9 - An Bibel Kernewek 20234 (Kernewek Kemmyn)

⁹ Awotta'n men a worris a-rag Yoshua! Yma seyth lagas war unn men, ha my a wra gravya skrifa warnodho, yn-medh Arloedh an luyow, ha my a wra remova pegh an tir ma yn unn jydh.

Zekaria 3:9 Iomraidhean Croise

1 Myghternedh 1:20

Ha ty, ow arloedh an myghtern, yma lagasow oll Ysrael warnas, dhe leverel dhedha piw a esedh war dron ow arloedh an myghtern war y lergh.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Salmow 103:12

mar bell dell usi an howldrevel dhiworth an howlsedhes, mar bell re worras ev agan kammwriansow dhiworthyn ni.

Salmow 118:22

An men a skonyas an weythoryon re dheuth ha bos pennmen an korn.

Eksodus 28:11

Par dell wra joweler gravya men, avel gravyans sel, yndella ty a wra gravya an dhew ven gans henwyn mebyon Ysrael; ty a wra aga gorra yn settyansow a blethweyth owr.

Eksodus 28:21

Y fydh dewdhek men ha'ga henwyn herwydh henwyn mebyon Ysrael; i a vydh avel gravyans sel, peub war-lergh y hanow, rag an dewdhek loeth.

Eksodus 28:36

Ha ty a wra medalenn a owr pur, ha gravya warnedhi, avel gravyans sel, ‘Sans dhe'n Arloedh.’

Ysay 28:16

rakhenna yndellma y lever an Arloedh Duw, Otta, yth esov ow gorra selven yn Sion, men prevys, pennmen drudh, selven sur; piwpynag a grysso ny vydh fysk.

Yeremia 31:34

Ha ny dhyskons namoy pub gour y gentrevek, ha pub gour y vroder, ow leverel, ‘Godhvydhewgh an Arloedh’, rag i oll a'm aswonn a'n lyha dhe'n moyha, yn-medh an Arloedh; rag my a av aga anewnder, ha ny borthav kov a'ga fegh namoy.

Yeremia 50:20

Y'n dydhyow na hag y'n termyn na, yn-medh an Arloedh, anewnder Ysrael a vydh hwithrys ha ny vydh nagonan; ha peghosow Yuda, ha ny vydh kevys nagonan; rag my a av an re a wrav aga gasa.

Zekaria 13:1

Y'n jydh na y fydh fenten igerys dhe ji Davydh ha dhe drigoryon Yerusalem rag pegh ha mostedhes.

Zekaria 3:4

An el a leveris dhe'n re esa ow sevel a-ragdho, ‘Kemmerewgh dhiworto an dillas plos.’ Ena ev a leveris dhe Yoshua, ‘Mir, my re dhug dhiworthis dha gammhynseth, ha my a wra dha wiska yn dillas teg.’

Zekaria 4:10

Piw a fi an jydh a bythow byghan? I a wra lowenhe pan welons an plemmik yn leuv Zerubbabel. ‘An seyth ma yw lagasow an Arloedh a wander hys-ha-hys a-dro dhe'n nor.’

Yowann 1:29

Ternos ev a welas Yesu ow tos dhodho hag yn-medh ev, ‘Awotta Oen Duw neb a gemmer dhe-ves peghadow an bys.

Yowann 6:27

Na lavuryewgh rag boes a wra pedri, mes rag boes a dhur bys yn bewnans heb diwedh, hag a wra Mab an den y ri dhywgh; rag warnodho Duw an Tas re settyas y sel.’

Oberow 4:11

Hemm yw “an men a veu skonys genowgh hwi, an weythoryon, re dheuth ha bos pennmen an korn.”

Romanyon 9:33

dell yw skrifys, ‘Ottavy ow korra yn Sion men trebuchya, ha karrek a offens ha neb a grysso ynno, ny berth ev meth.’

2 Korinthianys 1:22

neb re'gan selyas ha ri dhyn mewgh an Spyrys yn agan kolonnow.

2 Korinthianys 3:3

ha diskwedhys owgh hwi dhe vos lyther Krist, der agan menystrans; nyns owgh hwi skrifys der ynk, mes gans Spyrys an Duw bew, a-der yn leghyon a ven mes yn leghyon hag yw kolonnow a gig.

2 Timothi 2:19

Byttegyns selven fyrv Duw a sev, ha warnodho an skrif ma: ‘An Arloedh a aswonn an re usi dhodho’, ha, ‘Pubonan a henow hanow an Arloedh, treylys ev dhiworth kammhynseth.’

Ebrowyon 7:27

Ny'n jevo edhomm, avel an arghoferysi na, a offrynna sakrifis pub-dydh, kynsa rag y beghosow ev hag ena rag peghosow an bobel; ev a wrug hemma unnweyth pan omoffrynnas y honan.

1 Yowann 2:2

Hag ev yw dehwelyans rag agan peghosow: ha nyns yw unnsel rag agan peghosow ni, mes ynwedh rag peghosow an bys oll.

Diskwedhyans 5:6

Ha my a welas yn mysk an tron ha'n peswar kreatur bew, hag yn mysk an henavogyon, y sevi Oen kepar ha pan ve ledhys, gans seyth korn ha seyth lagas, yw seyth Spyrys Duw dannvenys yn-rag yn oll an norvys.