Zekaria 3:8 - An Bibel Kernewek 20234 (Kernewek Kemmyn)

⁸ Goslow, a Yoshua an arghoferyas, ty ha'th keskowetha owth esedha a-ragos, rag tokyn yns i, my dhe dhri ow gwas, an Skorrenn.

Zekaria 3:8 Iomraidhean Croise

Salmow 71:7

My re dheuth ha bos marthus dhe lies huni, mes ty yw ow skovva grev.

Ysay 11:1

Egin a dheu yn-mes dhiworth kyf Yesse, ha skorrenn a dyv dhiworth y wreydh.

Ysay 20:3

Ena an Arloedh a leveris, ‘Kepar dell esa ow gwas Ysay ow kerdhes noeth ha dieskis avel tokyn erbynn Ejyp ha Kush,

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 42:1

Otta ow gwas neb a skoedhyav, ow den dewisys may lowenha ow enev ynno; my re worras ow Spyrys warnodho, ev a dheg gwirvreus yn-mes dhe'n kenedhlow.

Ysay 49:3

Hag y leveris dhymm, ‘Ow gwas yth os, Ysrael, may fydhav glorifiys ynno.’

Ysay 49:5

Ha lemmyn an Arloedh a lever, neb a'm formyas y'n dorr dhe vos y was, dhe dhri Yakob tre dhodho, ha may fo Ysrael kuntellys dhodho, rag enorys yth ov yn golok an Arloedh, ha'm Duw re dheuth ha bos ow nerth –

Ysay 52:13

Otta, ow gwas a wra seweni, ughelhes vydh ha drehevys yn-bann, hag ev a vydh fest ughel.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 53:2

Rag ev a devis a-ragdho avel losowenn yowynk, hag avel gwreydhenn yn-mes a dir sygh; ny'n jevo na furv na reowta, rag may firren orto, na travyth yn y semlans, rag ma'gan bo hwans anodho.

Ysay 8:18

Awotta, my ha'n fleghes a wrug an Arloedh aga ri dhymm yw toknys ha marthusyon yn Ysrael dhiworth Arloedh an luyow usi trigys yn menydh Sion.

Yeremia 23:5

Otta, an dydhyow a dheu, yn-medh an Arloedh, pan dhrehavav dhe Davydh Skorrenn wiryon, ha myghtern a reyn ha sewena, hag a wra gwirvreus hag ewnder y'n tir.

Yeremia 33:15

Y'n dydhyow na hag y'n termyn na my a wra Skorrenn a wiryonedh dhe sevel rag Davydh; ev a wra gwirvreus hag ewnder y'n tir.

Ezekiel 12:11

Lavar, ‘My yw tokyn ragowgh: kepar dell wrug vy, yndella y fydh gwrys dhedha i. Yth ons yn divroedh, yn kethneth.’

Ezekiel 12:6

Gwra aga drehevel war dha skoedh a-wel dhedha, ha'ga dri yn-mes y'n tewlder. Kudh dha fas, rag na welli an tir; rag my re'th wrug tokyn dhe ji Ysrael.

Ezekiel 24:24

Ezekiel a vydh tokyn dhywgh; hwi a wra kepar ha pup-tra a wrug ev. Pan hwyrvydh, hwi a woer my dhe vos an Arloedh Duw.

Ezekiel 34:29

My a brovi ragdha tyller gerys-da rag plansa, ha ny vydhons kemmerys arta gans divoetter y'n tir, na berthi arta despit a'n kenedhlow.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Luk 1:78

dre druedh medhel agan Duw, may teu dh'agan visitya an jydh-tardh a'n ughelder,