Zekaria 2:4 - An Bibel Kernewek 20234 (Kernewek Kemmyn)

⁴ ha leverel dhodho, ‘Poenya gwra, deriv orth an yonker na: Yerusalem a vydh sita heb fosow drefenn an myns meur a dus ha bestes a-ji dhedhi.

Zekaria 2:4 Iomraidhean Croise

Ester 9:19

Rakhenna Yedhewon an godrevi usi trigys y'n trevow heb fosow a syns peswardhegves dydh an mis Adar avel dydh a heudhder hag a gevewya, ha dydh da, hag a dhannvon rohow a voes an eyl dh'y gila.

Ysay 33:20

Mir war Sion, sita agan solempnitys apoyntys; dha dhewlagas a wel Yerusalem, trigva gosel, tylda anwayadow; ny vydh y ebilyer nevra tennys yn-mes, na ny vydh y gerdyn terrys.

Ysay 44:26

neb a surha ger y was, hag a gowlwra kusul y gannasow; neb a gews a Yerusalem, ‘Hi a vydh annedhys’, hag a-dro dhe sitys Yuda, ‘I a vydh drehevys, ha my a dhastrehav aga magoryow’;

Ysay 49:20

An fleghes a veu genys dhis yn termyn dha anvabeth a lever hwath y'th tiwskovarn, ‘Re ynn yw an tyller ragov, gwra spas dhymm, rag mayth annetthiv!’

Ysay 54:16

Otta, my yw neb re wrug an gov neb a hwyth an glowbrennyer yn flammow, hag a furv arv wiw rag y borpos; my re greatyas ynwedh an ravner dhe dhistrui.

Yeremia 1:6

Ha my a leveris, ‘Ogh Arloedh DUW, otta, ny wonn kewsel, rag yowynk ov.’

Yeremia 31:24

Hag y fydh trigys yn Yuda y honan hag oll y sitys, gonedhogyon ha'n re a wander gans flokkys.

Yeremia 31:27

Otta, yma an dydhyow ow tos, yn-medh an Arloedh pan hasav chi Ysrael ha chi Yuda gans has den ha has enyval.

Yeremia 33:22

Dell na yllir nivera lu nev, na musura tewes an mor, yndellma my a ynkress has Davydh ow gwas, ha'n Levysi a venyster dhymm.

Ezekiel 38:11

Ty a lever, ‘Yth av yn-bann erbynn tir a drevow heb fosow; my a dheu erbynn an dus kosel, trigys yn sawder, i oll trigys heb fosow, heb barrys na yetys dhedha’,

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Daniel 1:4

gwer yowynk dhinamm, teg dhe weles, ha konnyk yn pub furneth, leun a skians, ow konvedhes dyskans, ha gwiw rag servya yn palys an myghtern, ha dhe dhyski dhedha lytherennow ha taves an Kaldeanys.

Mika 7:11

Dydh rag drehevel dha fosow! An jydh na, yth ystynnir an or.

Zekaria 1:16

Ytho yndellma y lever an Arloedh: My a wra dehweles dhe Yerusalem gans truedh, hag ena ow chi a vydh dastrehevys, yn-medh Arloedh an luyow, ha'n gordenn-vusura a vydh ystynnys dres Yerusalem.

Zekaria 1:17

Kri arta ow leverel, Yndellma y lever Arloedh an luyow: Ow sitys a wra fenna arta gans dader, ha'n Arloedh a wra konfortya Sion arta, hag arta ev a dhewis Yerusalem.

Zekaria 12:6

Y'n jydh na, my a wra kordhow Yuda avel pott tanek yn mysk prennyer, avel faglenn tan yn mysk manalow. I a wra devorya dhe'n dyghow ha dhe'n kledh oll an poblow y'n kyrghynn, mes Yerusalem a vydh annedhys arta yn hy thyller hi, yn Yerusalem.

Zekaria 14:12

Hemma a vydh an plag a wra an Arloedh y dhannvon dhe weskel oll an poblow re vatalyas orth Yerusalem; aga hig a beder hag i ow sevel war aga threys aga dewlagas a beder yn aga krawyow; ha'ga thaves a beder yn aga ganow.

1 Timothi 4:12

Na dhispresys denvyth dha yowynkneth, mes deus ha bos patron dhe'n gryjygyon yn lavar, yn bewedh, yn kerensa, yn fydh, yn glander.